PIV 2026 · Artikolo 3395

dramo

Litero D

Derivaĵoj en la artikolo 5
  1. drama
  2. dramig/i
  3. dramist/o
  4. psik/odramo
  5. radi2/odramo
dramo SPEK
1 rakonto verkita por esti prezentata de aktoroj; teatra verko: prezentoj de Ŝekspiraj dramoj en Esperanto HTo televida dramo skandinava krima kaj politika dramo JEd
(figurasence) la vivo estas dramo, kiu eligas larmojn el viaj okuloj, dum ĝi tiklas vian diafragmon al rido Z kun la filozofeco de homo, kiu konas la propran malforton, kaj el ĝi dramon ne faras, ŝi tuj retrovis sian ekvilibron CPi
2 (figurasence) ekscita, kortuŝa aŭ terura okazo aŭ cirkonstancaro: la persona dramo de la aŭtoro ekposedas nian atenton OE tiel komenciĝis la dramo kiu ŝokis la mondon kaj kies epilogo ĝis hodiaŭ restas mistera Ko ➞ tragedio, fatalo, katastrofo.
drama
1 rilata al dramo(j) aŭ ties prezento: drama aktorino OE drama teatro AGč drama verko ILa
2 (figurasence) tia, ke ĝi tre emocias homojn: dramaj dialogoj Z drama anonco Ko drama situacio RTr
dramigi doni draman karakteron: la romantikaj poetoj ofte dramigis sian vivon
dramisto aŭtoro de dramoj. ➞ dramaturgo 1.
psikodramo MEDI psikoterapia teĥniko, en kiu grupa surscenigo de individuaj psikaj konfliktoj igas la partoprenantojn ekkonscii tiujn kaj, helpe de analizo, progresi al ilia solvo.
radi2odramo dramo 1 elsendita per radio ② 1.