PIV 2026 · Artikolo 3605
★eksciti
Derivaĵoj en la artikolo 17
★ eksciti tr
1 BIOL estigi reagon de ĉelo, histo, organo per stimulo: nervoĉelo ekscitita per elektra kurento reagas per nerva impulso
2 fari tre intensa la funkcion de korpa organo aŭ senso: eksciti la nervojn kurado ekscitas la koron eksciti la apetiton eksciti la soifon oni trinkis kelke da glasoj, ne tiom multe por tro eksciti al iu la kapon Z pro la ekscitanta prepariĝo al la kongreso mi devis denove komenci la fumadon Z ➞ iriti, stimuli, vigligi.
3 fari eksterkutime forta ian movon de la animo: eksciti ies fervoron eksciti ies atenton eksciti ies scivolemon eksciti ies koleron MT eksciti ies envion oni devas antaŭe eksciti la interesiĝon de la tuta urbo Z la Izraelidoj ekscitis sian kuraĝon, kaj denove komencis batalon MT (analoge) vi ekscitis Min kontraŭ li, por pereigi lin MT ➞ akceli, instigi; fajro.
4 kaŭzi vivan agadon de io aŭ iu: eksciti la fajron ni ne sufiĉe batalas kontraŭ la indiferenteco kaj ekscitas la publikon Z
5 FIZI aktivigi ion: eksciti osciladon eksciti magnetismon eksciti dinamon eksciti sifonon eksciti ĥemian reakcion ekscitita kvantumstato
ekscita rilata al ekscito: ekscita ekzerco ekscita bobeno
ekscito
1 ago eksciti.
2 = (prefere) eksciteco: Moor
eniras en sovaĝa ekscito Z
eniras en sovaĝa ekscito Z
3 ELEK produktado de magneta kampo en elektra aparato, ekz. en dinamo, elektra motoro aŭ laŭtparolilo.
aparta ekscito ELEK ekscito de kampomagnetoj per fonto de aparta kontinua kurento.
impulsa ekscito ELEK TELE estigo de osciloj en agordita oscilcirkvito je la natura propra frekvenco de la cirkvito per subitaj impulsoj donitaj de ekstere.
kompunda ekscito ELEK ekscito de generatoro aŭ motoro, kiu funkcias pere de volvaĵoj konektitaj parte paralele kaj parte serie.
ekscitaĵo io, kio ekscitas: la kuracisto ordonis al li eviti ĉiujn ekscitaĵojn
ekscitebla tia, ke oni povas ĝin eksciti: ekscitebla karaktero ekscitebla cirkvito
eksciteblo eco de iu aŭ io ekscitebla: la eksciteblo de nervo la eksciteblo de muskolo
ekscitebleco psikologia karakterizaĵo de iu, kiu facile ekscitiĝas. ➞ temperamento 3.
eksciteco stato de iu aŭ io ekscitita:ĉarma tono de ĝoja eksciteco regis en la domo granda konfuzo kaj eksciteco skuis la tutan urbon
ekscitiĝi iĝi ekscitita: li estas tre ekkolerema kaj ekscitiĝas ofte ĉe la plej malgranda bagatelo FE li ekscitiĝas kiel bolanta lakto Z la senkulpulo ekscitiĝos kontraŭ la hipokritulo MT
ekscitiĝo stato de iu aŭ io ekscitita: en plena ekscitiĝo en multe da ekscitiĝo MT
ekscitilo
1 ekscita dinamo. ➞ ekscitmaŝino.
2 MEDI io, kio ekscitas la organismon.
bloveksciti eksciti blovante: blovekscitante la fajron sur la kameno, ŝi diris Z
blovekscitado ago bloveksciti: vizaĝo, ruĝigita de la blovekscitado de la fajro Z
kor1ekscita tia, ke ĝi ekscitas la koron: niaj kongresoj per sia soleneco kaj ĉarmeco fariĝu korekscita religia centro Z
memekscito ELEK ekscito de dinamo aŭ generatoro per la kurento produktata de la maŝino mem.