ekvilibr²o

1 Stato de korpo, kiu, altirata de egalaj sed kontraŭaj fortoj, restas senmova; egalpezo: ekvilibro de pesilo; ekvilibro de flosanta korpo; firma, nefirma ekvilibro; esti en ekvilibro; rompi ekvilibron; la sinjorino, kiu senlace staris sur unu piedo, ne perdante la ekvilibron ^Z; ili penis per la flugiloj teni sin en ekvilibro ^Z; indiferenta ekvilibro (tia, ke la objekto povas okupi ĉiujn poziciojn). ☞ labila, stabila.

2 Stato de fortoj, kiuj sin reciproke nuligas: elektro en ekvilibro sur la supraĵo de korpo.

3 Ⓚ Stato de sistemo de korpoj, kies konsisto ne ŝanĝiĝas pro ekzisto de du inversaj, samrapidaj reakcioj: acidalkala ekvilibro (ekvilibro inter acidoj k alkaloj en solvaĵo).

4 (f) Bonorda egaleco de potenco aŭ de valoro inter kontraŭaj aferoj: ekvilibro de spirito, de humoro ^Z; estigi ekvilibron inter enspezoj k elspezoj; ekvilibro de la buĝeto; politika Eŭropa ekvilibro.