PIV 2026 · Artikolo 8451
★korbo
Derivaĵoj en la artikolo 15
★ korbo portebla ujo kunplektita el salikaj vergetoj, bastaj rubandoj, pajlaj aŭ junkaj trunketoj, metalaj fadenoj k.s. por enteni diversajn objektojn: korbo por pano korbo por fiŝoj mi vidis korbon kun maturaj fruktoj MT por tro laŭdataj fragoj ne iru kun granda korbo Z pano estas alportita, korbo estu forĵetita ni ne plu bezonas tiun, kiu jam faris al ni servon Z
korbaĵo faritaĵo el interplektitaj vergoj: vendisto de korbaĵoj
korbeto malgranda korbo: korbeto plena je floroj Z korbeto por kudrilaro
abelkorbo abelujo de malnova formo.
bazarkorbo korbo kun anso, kiun oni uzas por aĉeti en bazaro: «mi nur indignas!» diris la bazarkorbo Z
brustokorbo ANAT brustokaĝo.
dekantokorboKUIR korbosimila ujo, metala aŭ ligna, en kiu vinbotelo kuŝas preskaŭ horizontale por eviti movi la sedimenton.
dorsokorbo korbo portata sur la dorso, ekz. dum kolektado de beroj.
litkorbo malpeza altranda lito por transporti bebon.
lulkorbo balancebla litkorbo uzata por luli bebon.
manĝaĵkorbo korbo, en kiu oni kunportas sian manĝon: malriĉeco sidis en la manĝaĵkorbo Z
paperkorbo korbo por forĵetotaj paperoj. ➞ rubujo.
rulkorbo kvarrada ujo uzata por transporti aĉetitajn varojn en memserva magazeno.
suĉkorbo korboforma skatolo fiksita kiel filtrilo ĉe la fino de tubo.
terkorbo ARME gabio.
ventumkorbo preskaŭ plata korbo, per kiu oni ventumas grenon.