PIV 2026 · Artikolo 8602
★kratero
★ kratero
1 GEOL GEOG truo en la tersurfaco ĉe la supro de vulkano 1, tra kiu eliĝas lafo kaj cindro: en La Palma estas la plej granda kratero de la mondo MalR (figurasence) oni gloras heroojn, kiujn nia tempo ne konas sed kiuj estas naskotaj sur la kratero de Eŭropo: en Parizo detruita loko Z
2 frapkratero.
3 HIST larĝa vazo 1, en kiu la antikvuloj miksis vinon kaj akvon.
kratereto
1 TRAF en ŝoseo proksimume ronda kaveto kun iom krutaj randoj, estigita de rapidaj aŭ pezaj veturiloj.
2 ELEK konusforma kavo, kiu formiĝas ĉe la fino de la pozitiva karbo 3 de elektra arko.
frapkratero baseno 4 sur la surfaco de luno aŭ planedo, estigita de faleginta meteorŝtono, aviadilo, bombo k.s. Sin. kratero 2.