PIV 2026 · Artikolo 11067

normo

Litero N

Derivaĵoj en la artikolo 17
  1. norma
  2. normi
  3. normar/o
  4. normebl/a
  5. normig/a
  6. normig/i
  7. normig/ad/i
  8. normig/o
  9. normig/ad/o
  10. normum/i
  11. laŭnormig/i
  12. medionormo
  13. nenorma
  14. samnormig/i
  15. tononormo
  16. ton/alt/onormo
  17. ununormig/i
normo
1 ordinara laŭregula stato ĝenerale rekonata kiel modelo: sekvi la sociajn normojn tiu presartisto forte dekliniĝis de la normo
2 JURO preskribo aŭ regulo en ĝenerale aplikebla leĝo aŭ ekvivalenta akto: internacijuraj normoj kriminaljuraj normoj normo, kiu reguligas la efektivigon de sankcioj
3 ĝenerale rekonata regulo (ofte leĝe difinita) pri minimuma nivelo de produkta kvalito, sekureco, higieno k.s.: normoj pri sekureco en minejoj, pri la lumiloj de aŭtomobiloj
4 TEKN regulo difinanta la kondiĉojn de produktado de objekto aŭ de prilaborado de substanco, kies uzadon oni volas unuecigi tiel, ke tiuj objektoj aŭ substancoj estu interŝanĝeblaj: normoj pri laminataj feroj normoj pri seruroj normoj pri fenestrokadro normoj pri klasifikado normoj pri sekureco normoj pri rendimento ➞ etalono 1.
5 TEKN modelo, kompare kun kiu oni juĝas la ĝustecon de la samspecaj produktaĵoj: la normoj povas garantii la ĝustajn dimensiojn de objekto aŭ ĝian egalan kvaliton toleri koeficienton de nekonformeco al la normoj ➞ etalono, ŝablono, tipo.
6 MATE funkcio 3 sur vektora spaco, kiu ĝeneraligas la nocion de longo: la eŭklida normo de (2, 3) estas √13 ➞ seminormo.
norma
1 rilata al la normo: normaj difinoj normaj dimensioj normaj profilo
2 konforma al la normo: norma specimeno norma ekzemplero norma mezurilo norma pesilo la norma tempo loka meza horsistemo norma atmosfero teoria
normi tr MATE provizi spacon per normo.
normaro tuto de la normoj en iu fako.
normebla MATE tia, ke oni povas ĝin normi: la spaco de ĉiuj kontinuaj funkcioj ne estas normebla
normiga rilata al normigo: normiga komisiono
normigi, normigadi
1 TEKN apliki normig(ad)on en iu fako de industrio, produktado k.s.
2 (vastasence) konformigi al iu normo: normigi lingvon
normigo, normigado TEKN unuecigado de la elementojn de produktado, por faciligi la laboradon aŭ la komunikadon.
normumi tr MATE dividi vektoron per ĝia normo 6 tiel, ke oni ricevas elementon de normo unu. Sin. ununormigi.
laŭnormigi FIZI TEKN kontroli la valoron kaj ĝustecon de objekto, aparato k.s. per komparado kun la norma tipo: laŭnormigi rezistilon laŭnormigi kondensilon laŭnormigi induktobobenon ➞ gradigi, skalo.
medionormoEKOL politike difinita kaj leĝe postulata medikvalito rilate al difinita(j) substanco(j) aŭ la fizika integreco de ekosistemo.
nenorma nekonforma al normo. Sin. eksterregula.
samnormigi aranĝi, ke ĉiuj produktoj, laboriloj k.s. estu laŭ la sama normo.
tononormo, tonaltonormo MUZI norma frekvenco de tono: 440 hercoj estas la tonnormo de A super meza C
ununormigi MATE normumi.