PIV 2026 · Artikolo 14423

★skulpti

Litero S★ Fundamenta

Derivaĵoj en la artikolo 7
  1. skulptad/o
  2. skulptaĵ/o
  3. skulptil/o
  4. skulptind/a
  5. skulptist/o
  6. Skulptist/o
  7. priskulpti
★ skulpti tr
1 formi figuro(j)n el solida materialo (ekz. ŝtono, ligno, argilo aŭ vakso) hakante, tranĉante, skrapante aŭ knedante: Alfredo skulptis la bustojn de Kala kaj de la bopatrino Z sur ĝi monumento estas ja skulptitaj cignoj kaj cikonioj Z ŝranko kun skulptitaj spiralaĵoj kaj foliaĵoj Z en la ĥorejo estis skulptitaj la sanktaj apostoloj Z ➞ ĉizi, cizeli, modli, eltranĉi.
2 priskulpti: skulpti lignon skulpti marmoron (figurasence) rokoj skulptitaj de ventoj kaj pluvoj Z ➞ haki, prilabori.
skulptado agado skulpti: skulptado de koloso el montoroko mem la skulptado el porfiro estas plej malfacila ➞ skulptarto.
skulptaĵo io skulptita: la skulptaĵo, per kiu ĝi estis kovrita , prezentis rozojn kaj tulipojn Z abstrakta skulptaĵo ➞ bareliefo, statuo.
skulptilo ĉizilo de skulptisto: artkonanto rigardas dian statuon, verkon de majstra skulptilo LiZ
skulptinda tia, ke ĝi meritas esti skulptita: skulptindaj formoj de virino
skulptisto artisto, kiu skulptas: la tri grandaj antikvaj grekaj skulptistoj estis Fidio, Praksitelo kaj Poliklito
Skulptisto ASTR sudhemisfera konstelacio. Sculptor
priskulpti prilabori materialon per skulptado. Sin. skulpti 2.