★stri/o

1 Longa, mallarĝa parto de surfaco, kun pli-malpli paralelaj randoj, distingiĝanta pro sia koloro aŭ heleco: ŝi timis la unuan ruĝan strion en la oriento ^Z; la cikonioj alte en la aero ekvidis blankete-flavan ondforman strion ^Z (de Nilo); la luno ĵetadis flavajn striojn da lumo sur la riveron ^Z; tra la diafana blankeco de ŝia vizaĝo montriĝis flavaj strioj ^Z; viola strio lasita de la skurĝo; vojo, kies fleksita k nebulita strio malaperis en la malproksimo ^Z; Jakob prenis al si bastonojn […] k senŝeligis sur ili blankajn striojn ^X; el la lada pluvtubo fluis sur la pavimon mallarĝa akva strio ^B.

2 ▦ Longa, mallarĝa, paralelranda parto de teksaĵo, kiu distingiĝas de la cetera surfaco per tinkturo aŭ teksaranĝo: (ŝtofo) kun strioj horizontalaj aŭ vertikalaj? ^Z; manikoj el ruĝa veluro kun flavaj strioj ^Z; blanka rubando, kiu per funebra strio borderis ŝian nigran veston ^Z; litkovrilo, per kies diverskoloraj strioj ŝi lernis distingi kolorojn ^Z.

3 (ark.) = bendo 1: strio da papero ^Z, da ŝtofo ^Z, da fero ^B.

4 🏠 Listelo, elstaranta inter du kaneloj de kolono.

5 ❤ 🍁 ⊕ Ĉiu el la paralelaj sulketoj aŭ streketoj, videblaj sur la supraĵo de vivulo, mineralo aŭ roko: strioj de konko, de mineralo, de tigo; glaciaj strioj (lasitaj de glacirivero sur rokoj de la flankoj de ĝia valo).