PIV 2026 · Artikolo 1646

★bapti

Litero B★ Fundamenta

Derivaĵoj en la artikolo 13
  1. bapta
  2. bapto
  3. baptan/o
  4. baptan/in/o
  5. baptej/o
  6. baptist/o
  7. baptuj/o
  8. aerbapto
  9. fajr/obapto
  10. Krist/obapto
  11. marbapto
  12. rebapti
  13. transbapti
★ bapti tr
1 RELI trempi iun en akvo, aŭ simple aspergi per akvo aŭ alia likvo, kiel puriga aŭ inica rito: venis Jesuo el Galileo al Johano, por esti baptata de li NT la mitraistoj estis baptataj per la sango de taŭro
2 KRIS per tiu sama rito inici iun en la kristanan eklezion: baptadis ne Jesuo mem, sed liaj disĉiploj NT
3 per tia ceremonio doni al iu oficialan nomon: mi baptos vin Petro (analoge) bapti ŝipon bapti sonorilon (figurasence) la kuniklon la kuiristo baptis leporo kaj prezentis pompe ➞ inaŭguri.
4 (familiare) fripone almeti akvon en trinkaĵon por pli profiti el la vendado: bapti vinon bapti lakton ➞ adulteri.
bapta rilata al bapto: bapta ceremonio bapta festeno
bapto
1 religia aŭ civila ceremonio, per kiu oni baptas iun: la sonorilo sonoradis por bapto de infanoj Z (analoge) ĉeesti la bapton de ŝipo (figurasence) la larmoj estis la ama bapto de la malgranda Helga Z ➞ baptofil(in)o, baptopatr(in)o.
2 (figurasence) unua sperto, kiun oni ricevas pri aparta vivmedio, kondiĉaro k.s.: la bapto ĉe la linio burleska ceremonio, celebranta la unuafojan trapason de ekvatoro ➞ aerbapto, fajrobapto, marbapto.
baptano
1 la baptopatro rilate al la baptopatrino.
2 (familiare) alnomo de amikeco: kara amiko, baptano kaj bonfaranto! Z
baptanino
1 la baptopatrino rilate al la baptopatro.
2 (familiare) alnomo de amikeco.
baptejo parto de preĝejo, aŭ iafoje aparta konstruaĵo, destinita al baptoj. ➞ baptisterio.
baptisto
1 praktikanto de baptado: kiel Johano la baptisto diris pri la savonto, mi nur balaas iom da tereno por la reĝisoro pri la kopenhaga temo PDa ➞ Johano la Baptisto.
2 precipe en Usono ano de kristana komunumo, kiu baptas nur la plenkreskulojn: promeno tra la urbo kondukis al la preĝejo de kristanaj baptistoj OE ➞ anabaptisto.
baptujo kuvo destinita por baptoj. Sin. baptokuvo.
aerbapto AVIA unuafoja sperto de flugo.
fajrobapto ARME unuafoja sperto de batalo dum milito: ricevi fajrobapton
Kristobapto bapto de Kristo fare de Johano; festata kun Epifanio.
marbapto MARN unuafoja sperto de veturo sur ŝipo.
rebapti duafoje bapti iun.
transbapti doni novan nomon al iu jam baptita.