PIV 2026 · Artikolo 1661
barbaro
Derivaĵoj en la artikolo 4
barbaro
1 HIST ne-greko: mi estas ŝuldanto al Grekoj kaj al Barbaroj NT se do mi ne scios la signifon de la voĉo, mi estos, rilate la parolanton, barbaro, kaj la parolanto estos por mi barbaro NT
2 HIST ano de nekulturita gento ekster Romo: la invadoj de la barbaroj la barbaroj vestitaj per maldelikataj feloj sin kaŝis en kavernoj B ➞ goto, huno, vandalo.
4 kruela, nehumana homo: spite al vi, barbaroj, mi ĝin konfesos antaŭ la tuta mondo, — mi lin amas! Z rifuĝas sur landvoj’ konfuzaj aroj, kaj ilin ĉasas el aer’ barbaroj KKa ➞ bruto 1.
barbara
1 rilata al barbaro 1 aŭ barbaro 2: barbaraj triboj barbara reĝo barbara armilo barbara sklavo barbara lingvo
2 tiel kruda, ke ĝi ofendas la estetikan senton: ĉu ĉio, kio ĝis nun ne estis uzata, estas nepre barbara? Z barbaraj terminoj Z ĝi sonas en niaj oreloj nekompreneble kaj barbare Z
barbaraĵo barbara ago.
barbareco eco de barbaro aŭ barbaraĵo: dronigi la mondon en la barbarecon
barbarismo
1 barbarecaj agoj aŭ kutimoj: ili neniigas kulturon kaj belecon, ili kunportas barbarismon kaj krudan materiismon VVa
2 LING vorto formita ne laŭ gramatikaj reguloj, aŭ (vastasence) neekzistanta en la koncerna lingvo, ekz. aliel, mies, dubesenca anstataŭ alie, mia, dub(a)senca, aŭ neintence kripligita formo de vorto, ekz. kubito anstataŭ kubuto.