PIV 2026 · Artikolo 2253
★brusto
Derivaĵoj en la artikolo 5
★ brusto
1 ANAT antaŭa parto de la korpo de homo kaj iuj bestoj, de la kolo ĝis la ventro, kie sidas la mamoj kaj en kiu sidas la pulmoj: virinoj nudigadis sian malmodestan bruston Z kava brusto de maljunulino Z ŝi ĝemas kaj la bruston al si batas signo de pento Z ŝi klinis sian kapon sur sian bruston Z brusto raŭkiĝinta kaj mortanta Z sur mia brusto ruĝetaj duoncirkloj memorigas pri ŝia plezur’ GWa esti malforta je la brusto pulmomalsana brusto de simio brusto de ĉevalo brusto de hundo ➞ busto, sino, torso; brustokaĝo, brustosto.
2 brusto 1 rigardata kiel vartejo: portu ĝin sur via brusto, kiel portas nutristino suĉinfanon MT infano kiu povis nur ĉe ŝia brusto serĉi ripozon Z
(figurasence) dorloti serpenton sur sia brusto Z la fatala ŝtuparo, per kiu mi devis supreniri al la brusto de Abrahamo en postmortan ripozejon Z vivi kiel ĉe la brusto de Dio en paradizo Z
3 (figurasence) brusto 1 rigardata kiel la sidejo de sentoj: ekzistas nenio certa sur la tero, krom tio, kion la homo posedas en sia propra brusto kaj kapo Z pezaj zorgoj premas mian bruston Z tiuj pensoj emociis la bruston de la birdo Z en ĉiu brusto estas sia gusto Z
4 tiu parto de homa vesto, kiu kovras la bruston: brusto de redingoto mi ligis la monerojn en ĉifoneto kaj kaŝis ilin en la brusto de mia robo ALö
brusta rilata al la brusto: brusta perimetro brusta inflamo brusta tuso
brustaĵo KUIR parto de besto, responda al brusto 1, detranĉita kaj preparita kiel manĝaĵo: bovida farĉita brustaĵo ŝafida brustaĵo kradrostita
ĉebruste ĉe la brusto: homoj, odorantaj rostitan fabon, kiun ili portis ĉebruste LiZ
ĉebrusto vestoparto ĉe la brusto: li el ĉebrusto orbrilan ĉeneton ektiris G Levio serĉis en la ĉebrusto kaj eligis pergamenrulon SPo
surbrustaĵo BIBL kulta ornamaĵo de la ĉefpastro.