★brust/o

1 ❤ La antaŭa parto de la homa korpo, de la kolo ĝis la ventro, kie sidas la mamoj k en kiu sidas la pulmoj: la virinoj nudigadis sian malmodestan bruston ^Z; kava brusto ^Z (de maljunulino); ŝi ĝemas k la bruston al si batas ^Z (signo de pento); ŝi klinis sian kapon sur sian bruston ^Z; brusto raŭkiĝanta k mortanta ^Z; sur mia brusto ruĝetaj duoncirkloj memorigas pri ŝia plezur’ ^W; esti malforta je la brusto (pulmomalsana). ☞ busto, sino, torso. ➞ brustokaĝo.

2 Tiu spaco inter la brakoj, rigardata kiel vartejo: portu ĝin sur via brusto, kiel portas nutristino suĉinfanon ^X; infano, kiu povis nur ĉe ŝia brusto serĉi ripozon ^Z; (f) dorloti serpenton sur sia brusto ^Z; la fatala ŝtuparo, per kiu mi devis supreniri al la brusto de Abrahamo ^Z (en postmortan ripozejon); vivi kiel ĉe la brusto de Dio ^Z (en paradizo).

3 (f) Tiu korpoparto, rigardata kiel la sidejo de sentoj: ekzistas nenio certa sur la tero, krom tio, kion la homo posedas en sia propra brusto k kapo ^Z; pezaj zorgoj premas mian bruston ^Z; tiaj pensoj emociis la bruston de la birdo ^Z; en ĉiu brusto estas sia gusto ^Z.

4 Tiu sama korpoparto ĉe iaj bestoj: brusto de ĉevalo, de hundo.

5 Tiu parto de homa vesto, kiu kovras tiun korpoparton: brusto de surtuto ^Z, de redingoto.