PIV 2026 · Artikolo 2702

★ĉerizo

Litero Ĉ★ Fundamenta

Derivaĵoj en la artikolo 19
  1. ĉerizarb/o
  2. ĉerizuj/o
  3. acid/a ĉerizarb/o
  4. acid/a ĉerizuj/o
  5. azi/a ĉerizarb/o
  6. azi/a ĉerizuj/o
  7. dolĉ/a ĉerizarb/o
  8. dolĉ/a ĉerizuj/o
  9. japan/a ĉerizarb/o
  10. japan/a ĉerizuj/o
  11. nan/a ĉerizarb/o
  12. nan/a ĉerizuj/o
  13. ĉerizej/o
  14. acid/a ĉerizo
  15. azi/a ĉerizo
  16. dolĉ/a ĉerizo
  17. grapolĉerizuj/o
  18. japan/a ĉerizo
  19. nan/a ĉerizo
★ ĉerizo BOTA frukto de ĉerizarbo; drupo globforma, ĝenerale ruĝa ĝis nigrete ruĝa, tre karna, dolĉa ĝis adstringa, enhavanta unu malmolan glatan kernon: mi iam povis forpafi ĉerizon de la buŝo Z (figurasence) la lasta preleganto (ĉu ĉerizo sur la kuko?) estis Humphrey Tonkin MLi ➞ kirŝo; ĉerizlikvoro, ĉeriztorto; ĉerizligno.
ĉerizarbo, ĉerizujo fruktarbo kun rigida fortika branĉaro, kun grandaj folioj, kies pedunklo surhavas elstarajn glandojn, kaj kun fruktoj nomataj ĉerizoj; hejma en Eŭropo, Azio kaj Nord-Ameriko, vaste kultivata por siaj ĉerizoj. specio Prunus avium ĉifonfiguro, por fortimigi paserojn de ĉerizarboj Z Sin. bigarelarbo, birda prunuso, merizarbo. ➞ ĉerizprunuso.
acida ĉerizarbo, acida ĉerizujo ĉerizarbo, malpli granda ol la dolĉa ĉerizarbo; kun larĝa branĉaro el maldikaj malsuprendirektaj branĉoj, kun relative malgrandaj folioj kaj kun acidaj fruktoj; trovata en granda parto de Eŭropo, norda Afriko kaj okcidenta Azio. specio Prunus cerasus
azia ĉerizarbo, azia ĉerizujo japana ĉerizarbo.
dolĉa ĉerizarbo, dolĉa ĉerizujo ĉerizarbo; indiĝena en okcidenta Eŭrazio. specio Prunus avium
japana ĉerizarbo, japana ĉerizujo malgranda ĉerizarbo; indiĝena en Japanujo, Ĉinujo, Koreujo kaj Vjetnamio kaj kreskanta en multaj mondpartoj por ornamo; kun floroj blankaj ĝis rozkoloraj en grapoloj en printempo. specio Prunus serrulata Sin. azia ĉerizarbo.
nana ĉerizarbo, nana ĉerizujo tre malgranda arbusto, sen dornoj; indiĝena en centra kaj sudorienta Eŭropo, ĝis orienta Rusujo kaj Kazakstano. specio Prunus fruticosa
ĉerizejo ĝardeno priplantita per ĉerizarboj.
acida ĉerizo sukoriĉa frukto de acida ĉerizarbo, karmezina ĝis preskaŭ nigra, manĝebla. Sin. grioto.
azia ĉerizo japana ĉerizo.
dolĉa ĉerizo sukoriĉa frukto de dolĉa ĉerizarbo, manĝebla. Sin. merizo.
grapolĉerizujo paduso.
japana ĉerizo frukto de japana ĉerizarbo, preskaŭ nigra, pli malgranda kaj pli acida ol la acida ĉerizo; ne manĝebla. Sin. azia ĉerizo.
nana ĉerizo frukto de ĉerizarbo, ĝis 1 cm diametre, koralruĝa ĝis nigra, manĝebla.