PIV 2026 · Artikolo 2841
★daŭri
Derivaĵoj en la artikolo 24
★ daŭri ntr
1 ekzisti pli longe ol unu momenton; estadi dum pli-malpli longa tempo: lia kolero longe daŭris FE nek ĝojo, nek malĝojo daŭras eterne Z knaba gusto kun forto daŭras ĝis la morto Z kiel longe daŭros la kunveno? la sieĝo daŭris tri jarojn
2 konserviĝadi dum longa tempo; ne forpasi dum longa tempo: lia gloro daŭros tra la jarcentoj ŝia fervoro daŭras malgraŭ ĉiuj malhelpoj belo pereas, virto daŭras ➞ vivi.
3 esti plue; ekzisti plu kiel antaŭe; restadi en la sama stato; ne ĉesi, ne halti: samaj malbonoj daŭras pluvo daŭras la diskuto daŭris ankoraŭ, kiam ni alvenis malgraŭ la striko la fabrikado daŭris ne! tiel daŭri ne povas! Z ➞ persisti, teniĝi.
daŭra
1 havanta konsiderindan daŭron: daŭra sukceso daŭra supereco daŭra pluvo
2 LING kontinua: frikativoj estas daŭraj sonoj ➞ senĉesa.
daŭre
1 plue estante en sama stato, kiel antaŭe; ne finiĝante: Esperanto daŭre vivas kaj floras Z mi daŭre suferis daŭre resti ➞ ankoraŭ, ĉiam.
1 Daŭre ne estas sinonimo de plu: daŭre labori signifas longtempe labori, sed ĝi ne povas signifi daŭrigi la laboron, plu labori.
2 dum longa tempo; malmomente: neniam la civitoj daŭre kuniĝis por formi pli grandan unuon daŭre loĝi daŭre kreski
daŭro
1 en la fluo de tempo spaco okupata de iu fenomeno inter du limoj nomataj komenciĝo kaj finiĝo: pensinte pri la afero en la daŭro de unu tago aŭ de unu semajno Z en la daŭro de la pasinta jaro Z en la daŭro de multaj jaroj Z en la daŭro de tutaj horoj Z en la daŭro de momento Z ➞ dum por la daŭro de tri semajnoj Z la daŭro de reakcio la daŭro de ekspono daŭro de uzebleco dum kiu aparato taŭge funkcias, antaŭ ol ĝi eluziĝas Sin. tempodaŭro, tempospaco.
2 sinsekvo de fenomenoj senpere sentata de la psiko kontraste al la fizika objektiva tempo: la daŭro de atendado ofte ŝajnas pli granda ol la tempo de tiu atendado
daŭrado stato de io, kio plu ekzistas aŭ ne ĉesas: la daŭrado de la malbona vetero ruinigas niajn projektojn de ekskurso
daŭrema longatempe konserviĝema: daŭrema planto pli justa kaj daŭrema mondo RRo ➞ daŭripova.
daŭrigi
1 fari, ke io daŭru: la vento daŭrigis la froston daŭrigi la atendadon
2 senhalte fari, ne ĉesigi, ne interrompi: «Mi faras al vi donacon,» daŭrigis la feino en interparolo FE mi daŭrigas mian laboron Z daŭrigi la penojn daŭrigi sian karieron Goethe finis sian Faŭston per la rimarko: «povas esti daŭrigata» Z daŭrigota formulo ĉe la fino de parto de felietono, artikolo k.s.
3 kun infinitivo plue i: «Ho jes», ŝi respondis kun gaja rido kaj daŭrigis kudri diligente Z ili daŭrigu sendadi al mi siajn opiniojn kaj konsilojn Z la morto daŭrigis rigardi lin per siaj grandaj malplenaj okulkavoj Z eble oni ankaŭ en la tombo daŭrigas ankoraŭ sonĝi Z ŝi daŭrigis rigardi la viron kun la riĉa pelto Z
daŭrigo io daŭrigita: la daŭrigo de nia artikolo aperos en la sekvonta numero por forigi la neagrablajn «daŭrigojn» tra multaj numeroj, ni nun presados ĉiam rakontetojn nur mallongajn Z
daŭrigebla
1 tia, ke eblas daŭrigi ĝin: la listo estas daŭrigebla OE
2 daŭripova: daŭrigebla uzado de la tero GLe la Monda Konferenco pri Daŭrigebla Disvolviĝo (Johanesburgo, 2002) OE
daŭriva = (prefere) daŭripova.
inkubacidaŭro MEDI daŭro de inkubacio.
jardaŭra unu jaron daŭranta: jardaŭra planto mi decidis fari jardaŭran viziton al Aŭstralio Ko ➞ unujara 3.
labordaŭro la nombro de la horoj, dum kiuj la laboristoj laboras en unu tago: okhora labordaŭro
longedaŭra, longdaŭra daŭranta dum longa tempo: la malsano estos longedaŭra Z longedaŭra entrepreno longedaŭra ekonomia stagnado IsT longdaŭraj militoj RRo longdaŭraj pluvegoj SMa
lunodaŭro luna monato.
mallongedaŭra, mallongdaŭra daŭranta dum nur mallonga tempo: tiuj falis post mallongedaŭra provo defendi sin ALö la premio Oscar por la plej bona mallongdaŭra filmo OE
nedaŭra havanta ne konsiderindan daŭron: nedaŭra espero nedaŭra pluveto ➞ efemera 1, momenta, pasa 2, pasanta 2, provizora, transira 1; veziko.
servodaŭro daŭro de ies servado, laŭ kiu oni kalkulas salajron, promocion, emeritan pension, k.s.: la jarfigurasence salajro de licea profesoro iris de 3.200 fr. ĝis 8.500 fr., laŭ la servodaŭro GWa
tagodaŭra tia, ke ĝi daŭras tutan tagon.
tempodaŭro daŭro 1: la tago estas la tempodaŭro inter du sinsekvaj kulminoj de la suno JJW ĉiuj propagandistoj estu devigataj ĝin lerni en difinota tempodaŭro ELa por la tempodaŭro de la dramo la intrigo estas iom tro simpla MBo la normala tempodaŭro por aprobi vakcinon estas kutime jardeko JCM
vibrodaŭro daŭro de vibrado.
vintrodaŭra folio tia, ke ĝi ne mortas vintre. ➞ daŭrafolia.
vivodaŭro la daŭro de ies vivo: en la vivdaŭro de tuta generacio Z statistiko pri la meza vivdaŭro de viroj kaj virinoj