★galeri/o

1 Longa kovrita ekstera ejo de domo, uzata kiel promenejo aŭ rigardejo: galerio de monaĥejo; korto kun graciaj arkadaj galerioj; galerioj de la Rivoli-strato. ☞ arkado, klostro, koridoro, verando.

2 Tre longa salono plej ofte uzata por elmontri artaĵojn aŭ kuriozaĵojn: la galerioj de la Vatikana palaco.

3 Kolekto da artaĵoj aŭ kuriozaĵoj: galerio de pentraĵoj ^Z, pri natursciencaĵoj. ☞ kabineto, pinakoteko.

4 Subtera koridoro, trairejo: galerio de minejo ^B, de subtera fervojo. ☞ tunelo.

5 🎭 La lasta, plej supra balkono. Sin. pulbalkono.