PIV 2026 · Artikolo 7431

★kardo

Litero K★ Fundamenta

Derivaĵoj en la artikolo 8
  1. kardi
  2. kardil/o
  3. azenkardo
  4. ben/it/a kardo
  5. felt/okardo
  6. ful1kardo
  7. mari2/a kardo
  8. stelkardo
★ kardo KOMU planto kun akraj pikiloj ĉe la randoj de la folioj kaj ĉirkaŭ la floroj, kiuj estas tipe purpuraj, el la asteraco kaj kelkaj aliaj plantaj familioj: tiam anstataŭ tritiko kresku por mi kardo MT ➞ artiŝoko, centaŭreo, cirsio, eĥinopso, karduo, karlino, onopordo, silibo; dipsako, eringio.
kardi tr
1 pretigi por ŝpinado tekseblan materialon (lanon, kotonon k.s.) paraleligante la fibrojn per kardo, aŭ per metalaj kardiloj en kardomaŝino, kvazaŭ per kombilo.
2 purigi kaj elastigi la lanon de matraco per kombileca manipulo. ➞ kombi.
kardilo TEKS ilo de teksfarado por kombi lanon. ➞ kardomaŝino.
azenkardo BOTA granda dujara dorna herbo, la unuan jaron kun baza rozeto el duondividaj folioj, la duan jaron kun stara folihava tigo, apekse portanta unu aŭ kelkajn grandajn florojn tipajn por kardo, kun purpuraj (rare blankaj aŭ rozaj) floretoj; el Eŭropo, norda Afriko kaj okcidenta Azio; pluraj specioj estas orname kultivataj; unu estas medicine uzata. genro Onopordum Sin. onopordo.
benita kardo speco de centaŭreo, plurjara herbo simila al kardo sed malpli dorna, araneaĵece harkovrita, kun iom dornaj folioj plume duon- aŭ kvazaŭ-dividaj kaj flavaj tubetfloroj; orname kultivata kaj medicine uzata. specio Centaurea benedicta Sin. kniko 2.
feltokardo fulkardo.
ful1kardo dipsako, kies kapitulojn iam utiligis fulistoj. specio Dipsacus fullonum Sin. feltokardo, fuldipsako.
mari2a kardo speco de silibo, medicine uzata. specio Silybum marianum Sin. maria silibo.
stelkardo pikilhava speco de centaŭreo. specio Centaurea calcitrapa ➞ kardono, karduo.