PIV Reta Vortaro

PIV · 7790

kiras/o

1 Metala, iufoje leda armaĵo, ŝirmanta la bruston k dorson: kiraso de kavaleriano; li vundis la reĝon inter la artikoj de la kiraso ; Saul vestis lin per kiraso .

2 Aro de ŝtalaj platoj, fiksitaj sur militŝipo por ĝin ŝirmi kontraŭ pafaĵoj. blendo.

3 Ĝenerala nomo de osta, korna, kalkeca aŭ kitina tegaĵo, konsistanta el unu aŭ pluraj pecoj, enfermanta la korpon de diversaj animaloj, testudo, krustacoj, k kies dorsa parto ofte nomiĝas karapaco.

kirasa. Provizita per kiraso: kirasa ŝipo, aŭto, aviadilo, trajno.

kirasi () Provizi per kiraso: kirasi la seĝon de la piloto; kirasita konduktilo ( izolita konduktilo kun fortika ŝirmaĵo kontraŭ premo k frapo); () menso kirasita de (obstina pro) antaŭjuĝoj k fiereco.

kirasulo. Kavaleriano armita per kiraso.

brustokiraso. Kiraso kovranta nur la bruston.

maŝkiraso . Kiraso konsistanta el ŝtalaj interplektitaj ringetoj.

skvamkiraso. Kiraso formita el metalplatetoj, parte kovrantaj unu la aliajn.