PIV · 8133
★komentari/i
★komentari/i (tr)
1 Klarigi per notoj tekston aŭ verkon: komentarii Iliadon; komentarii leĝoprojekton, konstitucion. Sin. prinoti. ☞ interpreti.
2 = komenti 1: nia celado estas ofte malbone komentariata Z; tamen vi komentarias malvere! X. ☞ ekzegezo, klarigi, kritiki. ➞ kalumnii, traduki.
komentario
1 Aro da rimarkigoj aŭ notoj, klarigantaj tekston aŭ verkon: eldono de la Biblio kun konstanta komentario; ili legis el la libro, klare, kun komentarioj, ke oni komprenu la legataĵon X; la grandaj verkistoj ofte bezonas komentariojn Z.
2 Klarigoj pri ies intencoj, opinioj: tion ĉi ni sciigas al niaj amikoj – de ĉiaj komentarioj ni nin detenas Z.
3 Libro pri historiaj okazaĵoj: la Komentarioj de Julio Cezaro; liaj agoj k liaj vortoj estas priskribitaj en la komentario de la profeto Ido X.
komentariisto. Tiu, kiu komentarias libron ks.