PIV 2026 · Artikolo 8174
kompliki
Derivaĵoj en la artikolo 7
kompliki tr malfaciligi ion per tro granda nombro da ĝenaj elementoj: manko de la plej gravaj dokumentoj komplikis la tutan aferon la vivon ne kompliku per vanaj zorgoj komplikanta interveno ➞ impliki, konfuzi.
komplika
1 rilata al komplikado; komplikanta: komplikaj cirkonstancoj kiuj malsimpligas ian agadon Ko komplikaj detaloj GBe
2 = (prefere) (ĝene) malsimpla: komplikaj malsimplaj pensoj ILa komplika sistemo FSz komplika gramatiko BKe ➞ kompleksa.
1 Io, kio estas mem (ĝene) malsimpla, tre ofte malsimpligas aliajn aferojn (malsimpla afero povas esti komplikanta). Tiel la du sencoj de komplika ofte validas samtempe. Tial multaj uzoj de komplika 2 tamen povas esti pravigeblaj, sed certe ne ĉiuj.
kompliko
1 ago kompliki kaj ties rezulto (ĝena malsimpleco): mi nekonscie intuis, ke ĝi la raporto alportos nur komplikon CPi ĉi tie troviĝas bonvolaj sorĉistoj, kiuj pure kaj simple, sen komplikoj kaj artifikoj, diras al ni, kio okazas en la mondo FDi
2 KOMP malfacileco de problemo, mezurata per la komputaj rimedoj bezonataj por solvi ĝin: polinoma kompliko ➞ komplikteorio, komputebla; memorkompliko, tempokompliko.
komplikaĵo
1 io, kio komplikas: batalo kontraŭ la komplikaĵoj de la socia vivo Z diplomatia komplikaĵo
2 MEDI apero de novaj simptomoj ŝuldataj al la sama malsano: la malsano povas konduki al komplikaĵoj Z
komplikeco eco de io komplika.
komplikita malsimpla, ĉar iu aŭ io ĝin komplikis: la tiam proponita aranĝo de la Ligo estis tiel komplikita, ke ĝi ne povis ne elvoki diversajn disputojn Z en la lingvoj naturaj ekzistas la plej komplikitaj deklinacioj Z komplikitaj kaj senfinaj kancelariaj juĝaj procesoj Z
memorkompliko KOMP kvanto de memoro 4 uzata de algoritmo, esprimita proporcie al la kvanto de prilaborataj datumoj.
tempokompliko KOMP tempodaŭro de algoritmo, esprimita proporcie al la kvanto de prilaborataj datumoj.