PIV 2026 · Artikolo 8904

★kurteno

Litero K★ Fundamenta

Derivaĵoj en la artikolo 7
  1. kurteni
  2. ferkurteno
  3. fer/a kurteno
  4. flankkurteno
  5. latkurteno
  6. pord/okurteno
  7. rulkurteno
★ kurteno
1 peco de ŝtofo pendigita por ŝirmi aŭ kaŝi ion: silkaj kurtenoj pendis super la du grandaj fenestroj kaj ornamis la altajn pordojn Z ili iris antaŭ la sanktan ŝrankon, tiris flanken la belegan kurtenon Z la kurtenoj ne estis ankoraŭ tute kuntiritaj Z densa kurteno, kiu apartigis la halon de disde la granda lando de eterneco Z ➞ tapiŝo.
2 SPEK granda vando el ŝtofo aŭ alia materialo, kiu kaŝas la scenejon de teatro, dum oni ne ludas: la kurteno de la operejo estis tirita flanken Z alveni antaŭ la leviĝo de la kurteno
3 aro de vertikalaj ŝnuroj, rimenoj, bidaj ĉenoj k.s. pendigita antaŭ pordo.
4 BOTA ĉe ombrelfungoj filamenta parta vualo, kiu aspektas kiel kurteno 3: kurteno de kortinario
5 (figurasence) ĉio, kio baras vidon aŭ konon: kurteno el arboj kurteno el montetoj la trupo manovris ŝirme de kurteno de kavalerio la urbo estis volvekovrita de kurteno el fabrikaj fumoj levi la kurtenon, kiu kaŝas la mondenigmojn
kurteni tr garni ion per kurtenoj: kurtenita alkovo
ferkurteno, fera kurteno
1 SPEK protekta kurteno el fero aŭ alia materialo, kiu en okazo de incendio povas izoli la scenejon disde la spektantejo.
2 movebla kurteno el fero, kiu ŝirmas la montrofenestron de butiko.
3 HIST tuto de la baroj, kreitaj de Soveta Unio por apartigi la eŭropajn landojn sub ĝia influo disde la ceteraj (1946–1989): nun kiam la ferkurteno falis ni spertis la veran mizeron MD la Eŭropa Konsilio en Strasburgo apelaciis fari paŝojn, por ke el la iama fera kurteno estiĝu «verda kurteno» EGv ➞ muro.
flankkurteno
1 kurteno, kiu pendas nur unuflanke de fenestro:al la fenestro ŝi pendigis blankan flankkurtenon Z
2 SPEK kurteno, kiu pendas flanke de scenejo kaj estas uzata kiel neformala kuliso.
latkurteno kurteno el maldense kunigitaj latoj.
pordokurteno kurteno, kiu kovras pordon: la pordokurteno iom disŝoviĝis Z
rulkurteno speco de kurteno, kiu leviĝas ruliĝante ĉirkaŭ horizontala stango: rulkurteno de fenestro rulkurteno de butiko