PIV · 9135
★laring/o
★laring/o (larynx)
1 ♉ Organo, servanta kiel enirejo al la trakeo ĉe la vertebruloj spirantaj per pulmoj, firmigita per kartilagaj pecoj, rolanta ankaŭ kiel organo por produkti blekon. ☞ sirinkso.
2 ❤ Ĉe homo, tiu organo, entenanta la gloton k voĉkordojn, k produktanta la voĉon.
laringa. Rilata al laringo: laringa spegulumo; laringa gripo; Λ (pp parolsono) Produktata per vibrado de la voĉkordoj. ☞ voĉa.
laringismo ⚕ Spasma kontrahiĝo de la laringaj k kolaj muskoloj, kaŭzanta asfiksion.
laringito. Inflamo de la laringo: akuta, kronika laringito.
laringologo. Kuracisto, kiu specialiĝis pri la laringaj malsanoj, ofte ankaŭ pri la nazaj k orelaj (oto-rino-laringologo).
laringologio. Studo de la laringo k ties malsanoj.
laringoskopio. Rekta ekzameno de la laringo per laringa spegulo (laringoskopo).
laringotomio. Malfermo de la laringo per incizo.