PIV 2026 · Artikolo 16392

valvo

Litero V

Derivaĵoj en la artikolo 15
  1. valva
  2. valvet/o
  3. dekstr/a atrioventrikl/a valvo
  4. duvalvul/o
  5. en/sorb/a valvo
  6. gasvalvo
  7. ileocekum/a valvo
  8. klapvalvo
  9. kor1valvo
  10. mal/dekstr/a atrioventrikl/a valvo
  11. mitr/a valvo
  12. nadl/ovalvo
  13. redukt/a valvo
  14. sekur/ig/a valvo
  15. tri/kuspid/a valvo
valvo
1 TEKN ĉia movebla peco destinita enlasi likvon, gason aŭ vaporon en tubon, ujon k.s. kaj malhelpi ĝian ellasiĝon, aŭ inverse.
2 ANAT MEDI samfunkcia organo en la koro (dekstra kaj maldekstra atriventrikla valvo) kaj en aliaj organoj (ilecekuma valvo k.s.) valva difekto de kora valvo Sin. korvalvo.
3 ZOOL ĉiu el la du partoj de konko de duvalvulo.
4 BOTA
a parto de kapsuleca frukto dehiskanta aŭ dehiskinta: guŝo malfermiĝas per du valvoj
b = (prefere) klapo 2. ➞ operkulo.
c ĉiu el la du partoj de la ŝelo de diatomeo.
5 FIZI ELEK aparato, kiu ebligas al kurento traflui en nur unu direkto: jona valvo elektrona valvo ➞ rektifilo, tubo.
valva rilata al valvo: MEDI pri koraj valvoj valva insuficienco valva stretiĝo valva klako valvaj sonoj
valveto ANAT ĉe vaskuloj kaj aliaj organoj ĉiu el la parietaj refaldoj, kiu direktas likvojn kaj malebligas al ili retroflui. valvula la duonlunaj valvetoj ĉe la aperturoj de la aorto kaj pulma arterio en la koncernaj ventrikloj
dekstra atrioventrikla valvo ANAT valvo inter la dekstraj atrio kaj ventriklo de la koro. Sin. trikuspida valvo.
duvalvulo ZOOL molusko de grupo de duvalvaj konkoj, el kiuj multaj estas manĝeblaj, kaj el kiuj kelkaj produktas perlojn. membro de la klaso Bivalvia (duvalvuloj) el la filumo Mollusca ➞ mitulo, ostro.
ensorba valvo valvo 1, kiu sorbas la vaporon en la cilindron de vapormaŝino.
gasvalvo FIZI ELEK izola tubo, kiu enhavas elektrodojn en iu gaso.
ileocekuma valvo ANAT valvo, tra kiu nutraĵo fluas de la ileo al la cekumo de la kojlo dum digestado.
klapvalvo valvo de tre simpla speco, ĉe kiu klapo baras la trafluon en unu direkto sed ebligas ĝin en la alia.
kor1valvo valvo 2.
maldekstra atrioventrikla valvo ANAT valvo inter la maldekstraj atrio kaj ventriklo de la koro. Sin. mitra valvo.
mitra valvo ANAT maldekstra atriventrikla valvo.
nadlovalvo valvo kun mallarĝa pinto, sidanta en konusa ingo kaj uzata por precize regi la fluon de likvo aŭ gaso.
redukta valvo valvo 1 sur gasbotelo por redukti la premon, tiel ke la gaso elfluas malrapide.
sekuriga valvo valvo 1, kiu ellasas la vaporon de kaldrono, kiam ties premo superas iun limon.
trikuspida valvo ANAT dekstra atriventrikla valvo.