PIV 2026 · Artikolo 1926

★bindi

Litero B★ Fundamenta

Derivaĵoj en la artikolo 12
  1. bindad/o
  2. bindaĵ/o
  3. bindej/o
  4. bindil/o
  5. bindist/o
  6. bindit/a
  7. glu/e bindit/a
  8. kudr/e bindit/a
  9. mol1/e bindit/a
  10. du/onbindaĵ/o
  11. nebindit/a
  12. tolbindaĵ/o
★ bindi tr
1 TIPO (striktasence) kunkudri la kajerojn de libro kaj surmeti sur ilin rigidan kovrilon: marokene bindita libro ĝiaj nebinditaj folioj disĵetiĝis ĉirkaŭen Z
2 TIPO (vastasence) kunigi foliojn aŭ broŝurojn kaj surmeti sur ilin kovrilon, ĉu bindante, ĉu gluante: li bindis ĉiujn miajn numerojn de Kontakto en fortikan volumon Ko ➞ broŝuri, gofri, kartoni, vinkti.
3 KOMP fari munteblan programdosieron el sendepende tradukitaj partoj, la celdosieroj de tradukilo. ➞ bindilo; bindŝargilo; ŝargi.
bindado ago de iu, kiu bindas.
bindaĵo tuto de la kovriloj kaj spino de bindita libro: bovidleda bindaĵo
bindejo entrepreno aŭ sekcio de presejo, kie oni bindas librojn.
bindilo KOMP programo por bindi 3 aliajn programojn.
bindisto profesiulo pri bindado.
bindita kunigita per bindaĵo.
glue bindita bindita sen kudrado, kun folioj gluitaj al la spino de la libro.
kudre bindita bindita per kunkudrado de pluraj kajeroj de (plej ofte) 4 folioj (16 paĝoj).
mol1e bindita bindita kun aldono de nerigida kovrilo.
duonbindaĵo malnova formo de bindaĵo, en kiu la spino ① 3 estas leda kaj la antaŭo kaj malantaŭo plej ofte kartonaj.
nebindita broŝurita aŭ vinktita.
tolbindaĵo bindaĵo el tolo.