PIV 2026 · Artikolo 6532
★infano
Derivaĵoj en la artikolo 21
★ infano
1 homido kontraste kun plenkreskinta homo (ĝis 12–13 jaroj): infanoj kaj fiŝoj voĉon ne havas Z en infano vidiĝas, kia homo fariĝos Z parolante pri infano, pri kiu ni scias, ke ĝi ne estas knabino , ni povas uzi la vorton «li» Z gardejo por infanoj la infanoj diris, ke ĝi flugas rekte al la suno Z bonaj infanoj lernas diligente FE ➞ bubo, knabo, naskito; infanŝteli.
2 homido rilate al la gepatroj: por patrino ne ekzistas infano malbela Z malgrandaj infanoj kaŭzas laboron, grandaj — doloron Z pli da infanoj, pli da beno Z Dio donis infanon, Dio donos por ĝi panon Z al malriĉulo infanoj ne mankas Z infanoj de malĉasto MT neleĝa infano ➞ filo, ido, bastardo.
infana
1 rilata aŭ apartenanta al infano: infana ludo infana vesto infana pupo infana klaso infana inklino Z
2 naive sensperta kaj senprudenta: infana argumento infana senzorgeco
infanaĵo ago de infano aŭ inda je infano: la malestima nomo de homoj, kiuj okupadis sin je infanaĵoj Z
infanaro
1 aro de infanoj, ekz. en unu familio: grandiĝis la infanaro kaj estis nesufiĉa la salajro EPr kriegantaj infanaroj sur la malpuraj bienoj inter la laboristaj domoj SEn
2 tuto de la infanoj de la mondo: redonu la pacon al la infanaro De l’ granda homaro! Z protekti 45 procentojn de la monda infanaro kontraŭ mortigaj malsanoj AKa
infaneca
1 rilata al infaneco: dum la infanecaj jaroj de Ludoviko okazis la lasta Pola revolucio EDr infanecaj revoj el la infaneco vekiĝis en la animo de Antono FSz
2 havanta ecojn de infano: li estas tiel aminda kaj infaneca, kaj lia fianĉiĝo tenas lin malproksime de ĉiuj diboĉaĵoj Z mi sentis min malaplomba kaj infaneca apud ŝi SSz la burĝo estas homo kun infaneca havemo MalR mi rigardas ŝian maldekstren klinitan manskribon, kiun mi nun trovas malbela kaj infaneca UMa infaneca rido ALö
infaneco aĝo, dum kiu oni estas infano: la lingvo, kiun mi parolis en mia infaneco kun miaj gepatroj Z aŭtoro , kiu dediĉis al sia ideo sian tutan vivon, komencante de la plej frua infaneco Z la unua infaneco ĉ. la unua vivjaro dua infaneco ĝis la falo de la laktodentoj Sin. infanaĝo.
infanejo
1 ĉambro aŭ loko difinita aparte por infanoj.
2 ejo, kie vartistoj tenas infanojn, aŭ dum laborhoroj, aŭ dum libertempo de la gepatroj.
infaneto malgranda infano. ➞ bebo.
infaniĝi iĝi mense infana.
infanino inseksa infano: la stratoj de la urbo pleniĝos de infanoj kaj infaninoj MT
infanismo MEDI ĉe plenkreskulo nenormala persisto de iuj karakteroj el la infaneco.
infanistino servistino, kiu zorgas pri la infanoj en familio.
laktinfano infano ankoraŭ tiel juna, ke ĝi devas esti nutrata nur per lakto.
lulinfano bebo.
mirinfano infano havanta mirigajn kapablojn: Mozarto estis vera mirinfano
reinfaniĝi reatingi la mensan staton de infano, pro granda aĝo.
seninfana ne (plu) havanta infanon.
seninfanigi senigi iun je infanoj: vian popolon vi ne plu seninfanigos MT
sol1infano infano sen gefratoj: la ruinigita nobelo, kiu eble iam revis pli brilantan sorton por sia solinfano Z
suĉinfana rilata al suĉinfano(j): (figurasence) en la unua, suĉinfana periodo de nia lingvo Z
suĉinfano juna infano ankoraŭ mamnutrata: portante la kvarjaran knabineton en la brakoj kiel suĉinfanon Z portu ĝin sur via brusto, kiel portas nutristino suĉinfanon MT ekstermos glavo Suĉinfanon kun grizharulo MT
vindinfano malgranda infano, kiun oni tenas envolvita en vindoj: vindinfanoj, kiuj origas siajn litotukojn Z