PIV 2026 · Artikolo 7376

★kapuĉo

Litero K★ Fundamenta

★ kapuĉo
1 kapvesto alkudrita aŭ alfiksita al mantelo: mantelo, kies kapuĉo estis tirita antaŭen super lia kapo Z kapuĉo monaĥon ne faras ne juĝu laŭ ekstero ➞ vesto ① 3 Ⓔ Z
2 VETU leda aŭ tola tegmento de veturilo: faldebla kapuĉo de aŭto formetebla kapuĉo de aŭto Sin. kovrumo.
3 MARN turnebla metala aŭ tola tubo aŭ funelo, kiu kaptas la venton por ventoli la internon de ŝipo, precipe la kaldronejon kaj maŝinejon.
4 TEKN ĉiaspeca konusforma ŝelo, kiu kovras la kapon de alia peco, ekz. kamenkapuĉo.
5 ZOOL strukturo aŭ marko, ekzemple la haŭta faldo ĉe la kapo de kobro, kiu kovras aŭ ŝajnas kovri la kapon aŭ alian similan parton.
kapuĉi tr kovri iun aŭ ion per kapuĉo.
kamenkapuĉo
1 parto de kameno, kiu elstaras konusforme supre de la fajrujo kaj kondukas la fumon aŭ vaporojn en la kamentubon.
2 super kuireja forno aparato simila al kamenkapuĉo 1, kiu kondukas la fumon aŭ vaporon eksteren.