PIV 2026 · Artikolo 8609

★krei

Litero K★ Fundamenta

Derivaĵoj en la artikolo 16
  1. krea
  2. kreo
  3. kread/o
  4. kread/ism/o
  5. kreaĵ/o
  6. kreem/a
  7. kreiĝ/i
  8. kreiĝ/o
  9. kreint/o
  10. kreit/aĵ/o
  11. kreit/aĵ/ar/o
  12. kreit/ar/o
  13. kreiv/a
  14. kreot/a
  15. parkreo
  16. rekrei
★ krei tr
1 Dio fari ion el nenio: en la komenco Dio kreis la ĉielon kaj la teron MT riĉulo kaj malriĉulo renkontiĝas:
Ilin ambaŭ kreis la Eternulo MT
ĉion Li kreis bela ĝiatempe MT ne estis kaŝitaj antaŭ Vi miaj ostoj, kiam mi estis kreata en kaŝiteco MT antaŭ la altaĵoj mi estis kreita MT ŝi estis kreita por la lukso kaj volupto
2 verki aŭ ellabori ion, kio antaŭe ne ekzistis aŭ kio estas tute novaspeca; fondi: krei establon krei firmaon krei akademion krei imposton krei oficon krei novan religion Z Petro la Granda kreis al si ŝiparon Esĥilo kreis la tragedion krei rolon ĝin ludi la unua krei modon krei stilon krei teknikon povosciado teknika, ne vivigata de talento, ne povas krei veran artaĵon Z krei vorton Z ĉio cetera devas esti kreata de la homa societo Z la Ligo estos kreita de niaj amikoj mem Z ĉiu formo, kiu ne estas rekte kontraŭ la jam kreita gramatiko kaj vortaro Z unu homo tie en la afero de Lingvo Internacia povas esti nur iniciatoro sed ne kreanto Z ➞ establi, fondi, instali, organizi.
3 (figurasence) estigi ion abstraktan: tio kreis inter ili ĵaluzon ne kaŭzoj ekonomiaj kreas la intergentan malamon Z la neklareco tute ne ekzistas, sed ĝi estas kreata nur arte Z (analoge) okazo kreas ŝteliston Z ➞ naski 1, veki 1, elkovi.
krea rilata al kreado, kreanta, kapabla krei: kreaj fortoj de homa socio EDr ekzistas nur unu dia estaĵo, pratempa, ĉiopova, krea LiZ oni prezentas pli ol 130 verkojn el ĉiuj liaj kreaj fazoj FGR Esperanto estas tre muzika, krea lingvo SMi
kreo, kreado ago krei: la kreo de la tero MT kelkaj amikoj estas absolute kontraŭ ĉia kreado de Ligo Z la ideo de absoluta kreado estas nescienca
kreadismo religia kredo, ke la universo kaj vivo estiĝis per dia kreado. ➞ kreadoscienco.
kreaĵo io kreita: Esperanto, tiu mirinda kreaĵo de Zamenhof neniu kreaĵo estas por mi tiel abomena, kiel araneo Z
kreema ema al kreado, kreopova: gigantaj planoj fermentas en mia kreema kranio Z vivo sen laboro ne povas kontentigi la homon, kiu laŭ sia naturo estas aktiva kaj kreema estaĵo SMa UEA — asocio por partoprenema, aĉetema, kreema publiko sur diversaj kulturaj kaj fakaj kampoj MFe
kreiĝi iĝi kreita: Li ordonis, kaj ili kreiĝis MT la lingvo de ĉiu nacio kreiĝis tiam, kiam la nacio ne sciis ankoraŭ skribi Z tiam kreiĝis kondiĉoj por plilarĝigo de la homaj grupoj
kreiĝo ago kreiĝi: de post la tago de via kreiĝo MT
kreinto iu, kiu kreis: mi ne volas esti kreinto de l’ lingvo Z RELI kiu premas malriĉulon, tiu ofendas lian Kreinton MT
kreitaĵo estaĵo kreita: la kokinoj, la anasoj kaj la tuta loĝantaro de la najbara korto estas ja ankaŭ kreitaĵoj Z la plej humila el ĉiuj kreitaĵoj, la musko kiam ĉi tiu sinjoro de la kreitaĵoj ekvidas belan ekzempleron de virina vizaĝo, li ĵuras Z
kreitaĵaro, kreitaro la tuta kreita mondo: la sinjoroj de la kreitaĵaro Z
kreiva
1 = (prefere) kreema.
2 (evitinde) = krea.
kreota tia, ke oni intencas ĝin krei: ni ricevis de diversaj flankoj projektojn por la Regularo de la kreota Ligo de Esperantistoj Z
parkreo FIZI kreo de elektrono kaj pozitrono el gama-kvantumo.
rekrei estigi per arto aŭ imago k.s. ion malaperintan: rekrei prahistorian pejzaĝon