PIV 2026 · Artikolo 3373
★dorno
★ dorno
1 BOTA planta pikilo iom konusforma kaj rigida: ne ekzistas rozoj sen dornoj ➞ dornarbusto, dornopomujo.
2 plurale malutilaj plantoj kun dornoj: dornojn kaj pikaĵojn ĝi la tero kreskigos por vi MT la tuta lando kovriĝos per dornoj kaj pikarbustoj MT aliaj semoj falis inter dornojn, kaj la dornoj kreskis kaj sufokis ilin NT
3 ANAT ĉiu el kelkaj anatomiaj elstaraĵoj: heliksa dorno ĉe la orelo spina helicis skapola dorno spina scapulae ➞ dornofiŝo; spino ① 2; subdorna foso, superdorna foso.
4 KOMU io simila al dorno: dorno de buko
5 (figurasence) io, kio doloras kaj ĝenas kiel dorno: ili estos dornoj por viaj okuloj , kaj ili premos vin en la lando, en kiu vi loĝos MT ➞ malplezuro.
dorna
1 plena je dornoj: kiel dorna kano en la mano de ebriulo, Tiel estas sentenco en la buŝo de malsaĝuloj MT
2 (figurasence) plena je malhelpaĵoj kaj malplezuroj: la dorna vojo de la honoro Z
dornaĵo kreskaĵaro enhavanta dornojn: ne semu inter dornaĵo MT
dorneto BOTA eta planta pikilo: dornetoj de circeo dornetoj de la frukto de kaŭkalido dornetoj de la talo 2 de iuj likenoj
dornumita HERA provizita per malgrandaj dornoformaj dentetoj ĉe la randoj.