PIV 2026 · Artikolo 1064
arbusto
Derivaĵoj en la artikolo 10
arbusto BOTA ligneca planto malpli alta ol arbo (de 0,5 ĝis 6–7 m), kun aŭ sen malalta trunko (ne pli ol 0,5 m). ➞ arbeto, staŭdo, vepro; trunkarbusto, tufarbusto.
arbusteto tre malgranda arbusto (malpli ol 0,5 m alta), ofte tufa, kun branĉoj malsupraparte lignecaj kaj daŭraj, supraparte herbecaj, ekz. empetro, kaluno, vakcinio.
dornarbusto arbusto kovrita de dornoj: eliros fajro el la dornarbusto kaj forbruligos la cedrojn de Lebanon MT
ebonarbusto malalta ebonarbo.
henaarbusto lavsonio.
piproarbusto piproplanto.
subarbusto = (prefere) arbusteto.
trunkarbusto arbusto de 2 ĝis 6–7 m alta, kun distingebla trunko, ekz. alaterno, bukso, nigra sambuko.
tufarbusto arbusto ĝenerale 0,5–4 m alta, sen distingebla trunko, debaze disbranĉiĝanta kaj sekve pli-malpli tufa; ekz. berberiso, cisto 2, frambujo, ligustro, ribo, ulekso.
vezikarbusto koluteo.