PIV 2026 · Artikolo 6526

★industrio

Litero I★ Fundamenta

Derivaĵoj en la artikolo 12
  1. industria
  2. industriig/i
  3. industriist/o
  4. industriul/o
  5. bioindustrio
  6. etindustrio
  7. grandindustrio
  8. parfumindustrio
  9. petrolindustrio
  10. pezindustrio
  11. reklamindustrio
  12. silkindustrio
★ industrio
1 arto, metio aŭ plej ĝenerale aparta agado, per kiu oni produktas riĉaĵojn aŭ plivaloraĵojn per transformado de krudaj materialoj: industrio de fero industrio de minoj industrio de libro industrio de ledo peza industrio ŝtalprilabora tapiŝoj, el kiuj ĉiu estis majstraĵo de industrio kaj de bongusto Z vilaĝa industrio
2 tuto de la artoj kaj metioj, per kiuj oni produktas riĉaĵojn per transformado de krudaj materialoj, kontraste kun terkulturo kaj komerco: la ŝtato devas interakordigi la bezonojn de agrikulturo kaj industrio lando kun prospera naskiĝanta industrio ➞ kartelo, konzerno.
3 PRAH tuto de la teĥnikoj kaj agadoj, per kiuj homgrupo transformas krudajn materialojn en objektojn; tuto de la objektoj de ĉi tiu industrio: ŝtona industrio osta industrio korna industrio
industria
1 rilata al industrio: industria ekspozicio industria societo industria lernejo industria laboristo industria arto industria produkto
2 havanta fortan industrion: industria lando industria urbo
industriigi enkonduki industrion, precipe pezan, en lokon: industriigi la subevoluintajn landojn
industriisto, industriulo mastro aŭ direktanto de industria entrepreno.
bioindustrio TEKN industria apliko de bioteĥniko por nutrado, farmacio, energiproduktado ktp.
etindustrio industrio konsistanta el malgrandaj entreprenoj.
grandindustrio industrio konsistanta el grandaj entreprenoj.
parfumindustrio industrio, kiu produktas parfumojn.
petrolindustrio industrio, kiu produktas petrolon el nafto.
pezindustrio industrio, kiu produktas kaj prilaboras feron.
reklamindustrio
1 tuto de la procedoj, metode ellaboritaj kaj amase direktataj al la publiko, por lanĉi produkton aŭ entreprenon kaj pluigi ties sukceson.
2 tuto de la servoj kaj firmaoj sin dediĉantaj al reklamado.
silkindustrio industrio, kiu bredas silkraŭpojn kaj produktas fadenojn kaj ŝtofon el ilia silko.