koloni¹o

1 ♜ Sendependa civito, fondita de grupo da helenaj elmigrintoj.

2 ♜ Garnizono de eksmilitistoj, instalita de la Romaj regantoj en konkerita teritorio, kiun ili tenis en submetiĝo k kies plej bonajn kampojn ili rekvizicie ekspluatadis: multaj modernaj urboj devenas de romiaj kolonioj, k eĉ konservas ties nomon, ekz. Kolonjo.

3 Teritorio okupita, administrata k ekspluatata de ŝtato ekster siaj landlimoj, ofte transmare: establi, fondi kolonion; la kolonioj de la Brita Krono; Siberio estis la unua rusa kolonio. ☞ protektorato.

4 Aro de la samnacianoj, instalitaj en tia teritorio: kolonio de Aŭstraliaj elmigrintoj en Paragvajo.

5 Aro de samnacianoj, loĝanta en alinacia urbo aŭ regiono: la germana kolonio en Parizo; la irlanda kolonio en Nov-Jorko; la italaj kolonioj en Usono.

6 Aro de personoj aŭ bestoj sammaniere k kune vivantaj: kolonio de pentristoj; kolonio de abeloj, de paseroj.

7 ⚥ Kunaĵo de unu- aŭ plur-ĉelaj, interrilataj individuoj de la sama sp., ĝenerale havanta pli-malpli difinitan formon: kolonio de cianobakterioj, unuĉelaj algoj, briozooj.

8 ⚥ Amaso de samspecaj bestoj sur unu loko: ovkolonio, larvkolonio.

9 🔬 Aro de mikroboj, kiu kreskas el punkto de solida kultivmedio k ĝenerale aspektas kiel ronda makulo rekonebla pro sia konsisto k koloro; tiu ĉelaro devenas el ĝenerale nur unu praĉelo. ☞ kultivaĵo, klono.