PIV 2026 · Artikolo 12381

★plej

Litero P★ Fundamenta

Derivaĵoj en la artikolo 4
  1. pleje
  2. plej/
  3. kiel ebl/e plej
  4. malplej
★ plej
1 en grado supera al ĉiaj kompareblaĵoj: vi devus nun esti la plej feliĉa el ĉiuj viroj Z sed la najtingalo estas tamen la plej bona el ĉio! Z ŝi estas la plej bela en la tuta mondo! Z neniam mortas tiu, kiu ekvidis ĉi tiun rozon, la plej belan sur la tero Z ŝi prenis la plej belan arĝentan vazon, kiu estis en la loĝejo FE
2 en maksimume alta grado sen esprimita komparo kun aliaĵoj: sur la tablo troviĝis plej bongustaj ĉerizoj Z ŝin ĉirkaŭis plej mallumega nokto Z ĉio sia estas plej ĉarma Z plej juna katido musojn jam pelas Z ni ne havis eĉ la plej malgrandan suspekton, ke li havas ian kaŝitan intencon Z en la plej bona okazo Z al li tiu malnova domo plaĉis plej multe Z vi komprenas?
— plej perfekte Z
mi petas vin plej insiste Z mi simple «elpensadis» vortojn, penante, ke ili estu kiel eble plej mallongaj Z ŝi hontis siajn larmojn kaj deziris kaŝi ilin kiel eble plej rapide Z ➞ treege.
pleje
1 en la plej alta grado; plejmulte: por kia okupo vi sentas vin pleje kapabla kaj taŭga? Z kial? mi diros al vi, ke verŝajne pleje kaj antaŭ ĉio tial, ke la viroj estas kapoj de domoj Z ➞ ĉefe, precipe.
2 en la plej oftaj okazoj; plejparte: oni ĝin ŝian ĉapelon nur malofte povis vidi sur tiu loko, kiun tiu ĉi vestaĵo pleje okupas ĉe aliaj homoj Z la ellernado de la lingvoj pleje devas esti farata kun perdo por la aliaj regionoj de scienco Z en nia lingvo la vortoj pleje estas pli naturaj kaj pli bonsonaj, se ili estas ne kunligataj Z trankvilaj ili infanoj estas pleje tiam, kiam oni ilin enlitigis Z
plej prefikso ➞ Plejpotenca.
1 Vortoj kiel plejaĝulo, Plejaltulo, plejamato kaj plejsanktejo estas derivitaj de plurvortaj esprimoj, ekz. de plej aĝa ulo kaj (plej amata)-o. Ĉe ili plej ne estas prefikso.
kiel eble plej plej altgrade, maksimume: mi faris la tradukon kiel eble plej zorge Z ili ekkuris kiel eble plej rapide malsupren Z ĝi estu kiel eble plej perfekta Z la celo de tiu nova aranĝo estas aktivigi kiel eble plej multajn kongresanojn ILa ➞ kiel eble pli.
malplej
1 en grado malsupera al ĉiaj kompareblaĵoj: el ĉiuj siaj fratoj Antono estas la malplej saĝa FE
2 en maksimume malalta grado sen esprimita komparo kun aliaĵoj: ĝi estus la malplej taŭga rimedo