PIV 2026 · Artikolo 12401

★pli

Litero P★ Fundamenta

Derivaĵoj en la artikolo 15
  1. pli aŭ malpli
  2. pli kaj pli
  3. plia
  4. plie
  5. pli/
  6. pliig/i
  7. pliig/it/a
  8. pliiĝ/i
  9. pliiĝ/o
  10. pli=malpli
  11. kiel ebl/e pli
  12. malpli
  13. malpliig/i
  14. malpliig/it/a
  15. malpliiĝ/i
★ pli
1 en komparativo de adjektivoj aŭ adverboj esprimanta kvanton aŭ gradon superan al alia: lakto estas pli nutra, ol vino FE mi vin trovas pli simila
Al greko, ol al skito Z
li estas pli stulta ol malica ili ĉiuj babilis france, unu pli malbone ol la alia Z du homoj povas pli multe fari ol unu FE ĉu ekzistas io pli sensenca? Z tiaj personoj ĉiam pretendas esti pli saĝaj Z el du malbonoj pli malgrandan elektu Z iru pli rapide FE ➞ plej, plu, plus.
2 pli multe; pli longe; en pli alta grado: li ne vivos pli, ol unu tagon FE tio ĉi estis pli, ol mi kuraĝis esperi Z ni povas fari nenion pli ol silenti Z ne estas permesite al mi pli diri Z ni konsilas pli uzadi ĉiam formojn simplajn anstataŭ kunmetitaj Z mieno lia montris pli suferon,
Sed ne koleron Z
pli oni nenion sciis el ĝia historio Z la plimulto de ni konis la mortinton kiel eminentan blindan Esperantiston, nenio pli Z restas ĉirkaŭ dek personoj, ne pli Z pro Dio, sinjoroj, observu pli da ordo! Z pli da okuloj, pli da certeco Z pli da bruo, ol da faro Z
pli aŭ malpli
1 jen pli, jen malpli: bruo de interparoloj pli aŭ malpli laŭtaj Z pli aŭ malpli frue iam: eble frue, eble ne la cirkonstancoj pliboniĝos Z lingvo povas esti taksata pli aŭ malpli artefarita ol alia GMc ĉu la ĝenerala ekonomia nivelo estas pli aŭ malpli alta ? RTr
2 pli-malpli: tie staris la viroj kun la plate kovritaj kapoj pli aŭ malpli sufiĉe kaŝitaj en kvarangula tuko Z la lingvo estos pli aŭ malpli proksimume, preskaŭ senerara Z
pli kaj pli esprimanta, ke iu ago aŭ ŝanĝo konstante progresas: li senlace iris pli kaj pli profunden en la arbaron Z la fluo fariĝis ĉiam pli kaj pli forta Z la homoj jam celados al ĝi lingvo internacia ĉiam pli kaj pli Z
plia estanta pli; aldona: unu plia mortis jen plian komplezon mi petas de vi ➞ kroma.
plie krom tio: unu paro da manoj plie ne montriĝis superflua Z eĉ plie mi povas diri Z li donis al ŝi veston kaj plie monon plie, ne forgesu, ke CPi
pliigi estigi pli da io: tio pliigis la nombron de la vizitantoj TEKN pri meĥanismo pliigi la povon
pliigita MUZI intervalo je duonduto pli granda ol perfekta 3 intervalo.
pliiĝi fariĝi pli multnombra: miaj ĉagrenoj nur pliiĝis
pliiĝo pliiĝo de temperaturo pliiĝo de premo
pli=malpli
1 iom; relative; sufiĉe: doni pli-malpli kontentigajn respondojn Z «siatempe» esprimas tempon pli-malpli difinitan Z la lernolibroj estas faritaj nur por homoj pli-malpli instruitaj Z
2 proksimume; ĉirkaŭ: pli-malpli ĉe la vesperiĝo Z pli-malpli unu horon poste Z ĝi havas pli-malpli la grandecon de monero Z pli-malpli ĉiuj samopiniis
➞ pli aŭ malpli.
kiel eble pli (arĥaismo) = kiel eble plej: ni petas sendi la antaŭpagon kiel eble pli frue Z
malpli
1 en komparativo de adjektivoj aŭ adverboj esprimanta kvanton aŭ gradon malsuperan al alia: via pano estas malpli freŝa, ol mia FE parolu malpli laŭte! tio estas videbla, sed ne malpli videble estas, ke Z
2 malpli multe; malpli longe; en malpli alta grado: malpli mi ne povas preni! Z malpli da havo, malpli da zorgoj Z la reĝo al malmultaj jam konfidas, kaj eĉ al tiuj malpli ol antaŭe Z ili lin akuzis ne pli kaj ne malpli ol pri tio, ke li mortigis homon Z
malpliigi estigi malpli da io: en kelkaj okazoj la sekrecio, anstataŭ esti pliigita, ŝajnas eĉ malpliigita Z li lernis malpliigi la batojn de sia koro, ĝis ili fariĝis malmultaj YLa
malpliigita MUZI intervalo je duonduto malpli granda ol perfekta 3 intervalo.
malpliiĝi fariĝi malpli multnombra aŭ malpli granda: kiam lingvoj kaj kulturoj malaperas, la homa heredaĵo malpliiĝas