PIV 2026 · Artikolo 13740

1★salo

Litero S★ Fundamenta

Derivaĵoj en la artikolo 18
  1. sala
  2. sali
  3. salaĵ/o
  4. salec/o
  5. salej/a
  6. salej/o
  7. salet/a
  8. salig/i
  9. saluj/o
  10. elsalig/i
  11. kuirsalo
  12. marsalo
  13. min1salo
  14. odorsalo
  15. rok1salo
  16. sensala
  17. sezam1salo
  18. ŝtonsalo
1 ★ salo
1 KOMU natria klorido, senkolora solvebla kristala substanco uzata por gustigi nutraĵojn aŭ por gardi ilin de putrado. NaCl tabla salo rafinita salo kruda salo meti lardopecojn en salon kiam vi estis naskita, oni ne frotis vin per salo MT (proprasence kaj figurasence) tro multe da salo malbonigas la manĝon Z (figurasence) vi estas la salo de la tero NT (analoge) li detruis la urbon kaj semis sur ĝia loko salon por simbole steriligi la teron MT (figurasence, simbole por la homa nutraĵo) ni manĝas salon el la reĝa palaco MT ➞ halito, salfari, pekli.
2 (figurasence) io, kio sprite pikas aŭ surprizas en konversacio aŭ verko: la atika salo ĉu vi gustumis la salon de tiu epigramo? ➞ sensala.
3 (arĥaismo) en malnova ĥemio solida nebruligebla gustohava substanco: salo de Epsomo magnezia sulfato glaŭbera salo natria sulfato spirigi salojn al sveninta fraŭlino ➞ salpetro.
4 KEMI kombinaĵo ricevita per anstataŭigo de la hidrogeno de acido per metalo, organika alkalo (ekz. amino) aŭ neorganika alkalo (ekz. amonio).
sala enhavanta salon: sala akvo ➞ salakvo sala manĝaĵo sala aero sala rokaĵo evaporito ➞ salgusta; Sallago.
sali tr meti salon en ion: (proprasence kaj figurasence) pli bone ne sali, ol sali tro multe Z sali supon B la larmoj lipojn salas KKa
(figurasence) se la salo sengustiĝis, per kio ĝi estos salita? NT salitaj prezoj tre altaj
salaĵo KUIR nutraĵo salita por konservado. ➞ botargo, kipro 1.
saleco
1 eco de io sala.
2 proporcio de salo entenata en io: la saleco de la marakvo
saleja EKOL vivulo prefere kreskanta en aŭ apud salakvo.
salejo loko, kie oni produktas salon el marakvo aŭ el rokaĵo. ➞ sallaguno.
saleta iomete sala, kiel akvo ĉe la elfluejo de riveroj.
saligi KEMI transformi ion en salon: saligi acidon
salujo malgranda ujo, en kiu oni metas salon por tabla uzado.
elsaligi KEMI precipiti ion per aldono de saloj.
kuirsalo ne tre rafinita marsalo, uzata por kuirado.
marsalo salo ricevita el la elvaporiĝo de salaj akvoj en sallagunoj.
min1salo GEOL minerala salo el kuba natria klorido, ekstraktata el minejo. NaCl Sin. halito, roksalo, ŝtonsalo. ➞ evaporito.
odorsalo ofte plurale amonia karbonato miksita kun odoraĵoj, kiujn oni spirigas por kuraci svenon.
rok1salo minsalo.
sensala ne entenanta salon: sensala akvo Sin. dolĉa akvo sensala dieto (figurasence) sensala ŝerco ➞ salo 2
sezam1salo KUIR kondimento el rostitaj sezamsemoj kaj salo.
ŝtonsalo minsalo.