PIV 2026 · Artikolo 8162

kompensi

Litero K

Derivaĵoj en la artikolo 7
  1. kompensa
  2. kompense
  3. kompenso
  4. kompensil/o
  5. fadkompensil/o
  6. fazokompensil/o
  7. retrokompensig/i
kompensi tr
1 kontraŭagi nedeziratajn efikojn de forto, movo, influo ktp por atingi ekvilibron: ŝi pensis, ke forte streĉita febra penegado kompensos al la cerbo la jarojn da senlaboreco Z ili atingas postenon, kiu kunhavas iom da aŭtoritateco, kaj tio parte kompensas tion, ke ili ne ricevas salajron adekvatan al ilia ofico CRo ili la okuloj estis la sola, rimarkebla trajto, kiu penis kompensi lian alie malmoderan malbelecon HLu ➞ kontraŭpezi.
2 havigi al iu monsumon aŭ alian avantaĝon pro suferita perdo aŭ damaĝo:la ŝtato devos kompensi la viktimojn per 500 000 milionoj da pesetoj ATT mi demandis, ĉu eble la firmao konsidere cedus al mi nur kelkajn ŝilingojn por kompensi miajn veturelspezojn CRo ĉu vi ordonos kompensi al li la perdojn, kiujn kaŭzis al li ĉi tiu furioza laboristo? B
3 FIZI ekvilibrigi efikon per alia efiko, ĝenerale kontraŭa.
➞ rekompenci.
kompensa rilata al kompenso; prezentanta kompenson: kompensa monsumo
kompense
1 en kompenso: li forliberigu tiun kompense pro la okulo difektita MT
2 (figurasence) kvazaŭ por kompenso: la sablo leviĝis ĉirkaŭ la domoj . Kompense estis varme en la loĝejoj Z se mi ne trovas tie kelkajn, kompense montriĝas aliaj novaj Z sed kompense la lastaj paĝoj estas tradukitaj bonege Z
kompenso io donita por kompensi: la kompenso atingis mil frankojn (figurasence) kion li ricevis kiel kompenson pro tio, kion li suferis en malliberejo ? Z ➞ kompensodevo, kompensometodo.
kompensilo FIZI aparato, kiu funkcias per kompensometodo, ekz. ĉe la mezurado de elektra tensio 2.
fadkompensilo TELE en radioricevilo aranĝaĵo, kiu aŭtomate kompensas fadon. Sin. regulilo de sonintenso.
fazokompensilo ELEK sinkrona aŭ malsinkrona generatoro por provizi aŭ sorbi neagan povumon.
retrokompensigi KOME postuli de iu pagon de sumo egala al tiu, kiun oni mem devis pagi al alia persono.