PIV 2026 · Artikolo 14468

sociala

Litero S

Derivaĵoj en la artikolo 6
  1. socialem/a
  2. socialig/i
  3. socialism/o
  4. socialist/o
  5. nacisocialism/o
  6. nacisocialist/o
sociala koncernanta la vivkondiĉojn, precipe materiajn, de diversaj grupoj en la socio: pri socialaj reformoj povas sukcese paroli nur riĉulo, kiu oferas Z ŝi estis akceptita sur la sama sociala rango ol la aliaj invititoj HVa socialaj konfliktoj ➞ socia; sociala asekuro.
socialema ŝtato tia, ke per siaj registaraj instancoj (asekurado, subvenciado, loĝigado k.c.) ĝi celas certigi al ĉiuj anoj plej altan bonstaton.
socialigi aranĝi konforme al socialismo: socialigi la grandajn ŝtalfabrikojn
socialismo
1 socipolitika doktrino, kiu (pravigante sin aŭ per idealo de justeco kaj frateco, aŭ per leĝoj de la ekonomia evoluo) rekomendas anstataŭigon de la kapitalisma ekonomia organizo per nova organizado, kiu transdonas la ilojn de produktado al la socio kaj rezultigos komunajn vivkondiĉojn ne nur pli justajn, sed ankaŭ pli favorajn al plena disvolviĝo de la homa personeco.
2 MATR socipolitika doktrino celanta (per la starigo de celkonforma mastrumado) forigi la plusvaloron, kiun profitas mastro, akcikompanio aŭ ŝtato el la laboro de siaj dungitoj.➞ anarĥio, kolektivismo, komunismo, sindikatismo.
socialisto adepto de socialismo. ➞ Laborpartio, socialdemokratio.
nacisocialismo doktrino de Hitlero kaj liaj sampartianoj, kies ĉefaj karakterizaĵoj estis germana naciismo, totalismo, rasismo kaj militismo. ➞ naziismo.
nacisocialisto adepto de nacisocialismo.