PIV 2026 · Artikolo 8844
★kulpa
Derivaĵoj en la artikolo 19
★ kulpa intence aŭ konscie plenuminta ion riproĉindan aŭ punindan: kulpa pri eraro kulpa pri krimo kulpa je forgeso ne ŝi estas kulpa pri la morto de infano aŭ: ke infano mortis B ŝia fratino en ĉio estas kulpa FE kion ni estas kulpaj? Z ni ne volas mem esti kulpaj, ke ni preterdormis eble venontajn gravajn cirkonstancojn Z
kulpi tr aŭ pri esti kulpa pri io: kiu kulpas pri tiu ŝtelo?
kulpo malrespekto de leĝo, de devo aŭ de morala regulo: ĉu tio estis mia kulpo? B ĝi ne estas via kulpo Z mi forviŝis viajn kulpojn MT kovri ies kulpon MT de kiu la kulpo, por tiu la puno ĉiu devas respondi pri siaj kulpoj Z ĉiu eraro estas kulpo de eraro ne praviĝas la faro Z mia forto malaperis per mia kulpo MT mia estas la tuta kulpo! Z pardoni al la malamiko lian kulpon FE meti la kulpon sur iun Z ĵeti la kulpon sur iun li deĵetis la tutan kulpon sur lin B ➞ delikto, eraro, krimo 1, kulpatesto, miso, peko.
kulpeco eco de iu kulpa: pruvi ies kulpecon konfesi sian kulpecon ➞ respondeco.
kulpigi akuzi iun: tuj oni povas kulpigi malbonan zorgadon Z kulpigi iun pri io kulpigi iun per io Z kiu tro sin pravigas, tiu mem sin kulpigas Z
kulpigo akuzo: kontraŭ tiu ĉi mensoga, malbona kaj kalumnia kulpigo ni protestas Z
kulpiĝi iĝi kulpa pri io: se malĉastas vi, ho Izrael, tiam almenaŭ Jehuda ne kulpiĝu MT
kulpulo homo kulpa: pagas ne riĉulo, pagas kulpulo Z lumo fariĝos, kulpulo troviĝos Z
kunkulpulo iu, kiu helpis kulpulon en ties malbonago. ➞ komplico.
memkulpigo akuzo de si mem. Sin. sinmemkulpigo. ➞ memkritiko.
miakulpe, viakulpe (ktp) mem kulpante: mi ne bezonu miakulpe altrudi al aliuloj mian lingvon Z
prokulpa BIBL farata por kompensi kulpon: prokulpa ofero MT ➞ propeka.
rekulpiĝi kulpiĝi plian fojon: la rekulpiĝintoj estas pli grave punataj
senkulpa ne farinta kulpon: senkulpaj persekutatoj Z lia sango estos sur lia kapo, kaj ni estos senkulpaj MT verŝi senkulpan sangon MT tio estas senkulpa deziro Z
senkulpe en senkulpa maniero: kiel senkulpe kaj malfacile li suferis Z Li, kiu povas fari al mi senkulpe multe da vundoj MT
senkulpigi aserti iun senkulpa: li provis senkulpigi sin antaŭ la tribunalo la malkovro de tiu nova fakto senkulpigas lin ➞ absolvi, ekskuzi.
senkulpigo ago senkulpigi.
senkulpulo homo sen kulpo: festo de la betleĥemaj senkulpuloj
sinmemkulpigo memkulpigo: vi, krieganta sinmemkulpigo Z