PIV 2026 · Artikolo 12649

★pra

Litero P★ Fundamenta

★ pra prefikso
1 la sekvanta, suprenira aŭ malsuprenira grado de parenceco. ➞ praavo, praavino, pranepo, pranevo, pranevino, pranepino, praonklo.
1 Pro la ekzisto de la vortoj avo kaj nepo, prapatro kaj prafilo akiris la signifon de tre malproksima antaŭulo aŭ posteulo respektive.
2 tre primitiva; longe antaŭa en la tempo. ➞ praarbaro, prabesto, prahistorio, prahomo, pratempo, pratipo, prapatro.
3 origina; plej frua. ➞ praloĝanto, pradosierujo, praeklezio, praeksplodo.
praa primitiva, antaŭhistoria, frutempa: la Vatikano preferas praan komunikilon: blankan fumsignon AHa praaj okazintaĵoj de antaŭ pli ol kelkaj jarmiloj GLe sub la homa civiliziteco sentiĝis praa kvazaŭbesta konkuro pri tio, kiu el ambaŭ bandoj posedos la teritorion CPi li staras en la kiraso de la nekontraŭstarebla juneco kaj kun la praa forto de la deziro FSz
praulo malproksima antaŭulo: la praulo de la homo kaj poste la prahomo havis, tamen, kapablon eligi ankaŭ diversajn sonojn ILa inter liaj prauloj estis kaj pastroj, kaj militistoj, kaj caraj oficistoj DCi/GAr ili havis neniujn mitojn pri la kreado de la mondo, kaj ne memoris pri prauloj krom siaj avoj Ko