PIV 2026 · Artikolo 14221

★simila

Litero S★ Fundamenta

Derivaĵoj en la artikolo 15
  1. /simila
  2. simile
  3. simili
  4. similaĵ/o
  5. similec/o
  6. similig/i
  7. similiĝ/i
  8. similul/o
  9. lakt/osimila
  10. malsimila
  11. malsimilec/o
  12. memsimila
  13. sensimila
  14. tondr/osimila
  15. velursimila
★ simila
1 havanta iajn ecojn, kiujn ankaŭ havas alia persono aŭ objekto: krei lingvon similan je Esperanto Z ĝia blekado estas simila al la leona MT la reĝidino estis kopie simila al la bela knabino Z nenia potenco devas esti simila al mia Z la anĝeloj ĉiuj estas similaj inter si Z substantive ĉiu korniko serĉas similan al si Z ➞ analoga, najbara, parenca, proksima, sama, tiaspeca.
2 (vastasence) tia: Vi ja scias tre bone, ke nenio simila estis Z simila konstruo de lingvo estas tute fremda por la eŭropaj popoloj Z en lingvo arta nenio simila povas havi lokon Z ion similan mi malestimas Z
3 MATE geometria figuro posedanta angulojn egalajn al kaj longojn proporciajn al la respondaj grandoj de alia figuro: homotetaj figuroj estas similaj, sed ne nepre inverse
simila sufikso simila al la indikita afero. ➞ laktosimila, tondrosimila, velursimila.
simile en simila maniero: flugadis simile al cigna lanugo la ŝaŭmo el la maro Z mi vivis al normala hom’ simile KKa ➞ kiel 1, kvazaŭ.
simili tr esti simila al: tago tagon sekvas, sed ne similas Z unu similas nulon, ne prezentas kalkulon Z ili similas unu la alian kiel du akvogutoj filo, kiu similus al ili korpe kaj anime Z tiu gaja svarmado similis al la fajreroj en la cindro Z
similaĵo
1 io simila: kian similaĵon vi kontraŭstarigos al Li? kun kiu vi komparos lin? MT
2 BIBL parabolo aŭ alegorio.
simileco eco de tio, kio estas simila: oni ne povas eĉ nei, ke ekzistas kelka simileco de la melodio Z li havas grandan similecon kun mia mortinta frato Z simileco de du trianguloj
similigi
1 igi iun aŭ ion simila: aktoroj provas similigi sin kun la prezentataj herooj krispaj mallongaj haroj, kiuj similigis lin al karikaturo CPi ĝia kolonaro similigas ĝin al la antikvaj Egiptaj temploj SSz
2 kompari iun aŭ ion: al bela kaj delikata virino mi similigis la filinon de Cion MT
similiĝi iĝi simila: forkuru, ho mia amato,
Kaj similiĝu al gazelo MT
similulo homo, kiu aspektas simile al alia. ➞ proksimulo, sozio.
laktosimila simila al lakto; blanka kiel lakto: en ŝia mano estis blanka senbrila globo, fluiginta tian molan, laktosimilan lumon VVa
malsimila tute ne simila: post ili eliros alia reĝo, malsimila al la antaŭaj MT kvar grandegaj bestoj malsimilaj unu al alia MT ➞ diferenca, malsama.
malsimileco eco de iu aŭ io malsimila al alia.
memsimila FIZI fizika sistemo havanta la samajn ecojn je pluraj skaloj.
sensimila ne havanta iun aŭ ion similan al si.
tondrosimila simila al tondro; laŭta kiel tondro: kun tondrosimila bruo la monto malfermiĝis Z
velursimila simila al veluro; mola kiel veluro: en la rivereto kreskas flavaj akvolilioj, brunpluma junko kaj nigraj velursimilaj bastonuloj Z (figurasence) velursimila karaktero Z