PIV 2026 · Artikolo 2516
ciklo
Derivaĵoj en la artikolo 20
ciklo
1 sinsekvo de okazoj, kiuj regule ripetiĝas laŭ sama vicordo: la festoj faru sian ciklon MT BIOL kora ciklo regula sinsekvo de la atriaj kaj ventriklaj sistoloj kaj de la kora diastolo menstrua ciklo oestra ciklo BIOL kromosoma ciklo ➞ mitozo, mejozo, ĉelciklo, vivciklo
3 TEKN distanco, kiun trapasas piŝto de vapormaŝino dum unu iro kaj unu reiro.
4 BELE aro de poemoj rilataj al unu sama temo: la ciklo de Karolo la Granda la ciklo de la Ronda Tablo
5 EKOL serio de statoj, kiujn trapasas ĥemia elemento (karbona ciklo, nitrogena ciklo) aŭ kombinaĵo (akva ciklo) tra diversaj partoj de la biosfero.
6 KEMI ferma ĉeno el atomoj, ofta ĉe la karbonderivaĵoj. Sin. ringo 5.
1 En kunmetaĵoj cikl(o) estas prefikse uzata por nomi ciklajn nearomatajn substancojn: ciklalkano, cikloheksano.
7 MATE en algebra topologio ĉeno, kies rando estas nul.
cikla
1 karakterizebla per ciklo: MATE cikla interŝanĝado de koordinatoj cikla permutaĵo
cikli ntr
1 iri aŭ ŝanĝiĝi laŭ ciklo 1: idealismo kaj materialismo ciklas de generacio al generacio EUSA
cikligi igi ion cikli 1.
cikliĝi iĝi cikla.
akva ciklo moviĝado kaj ŝanĝiĝado de akvo laŭ ciklo tra la hidrosfero, la litosfero, la biosfero kaj la atmosfero, kaj tiel ankaŭ tra la fazoj likva, solida kaj gasa.
citratociklo KEMI krebsa ciklo.
karbona ciklo
1 EKOL la procezoj, inkluzive fotosintezon, malkombiniĝon kaj respiradon, per kiu karbono konvertiĝas tra la biosfero. ➞ ciklo 5.
2 ASTR sinsekvo de nukleaj reakcioj en la centro de stelo, en kiu karbono katalizas la fuzion de hidrogeno al heliumo.
kilociklo FIZI (arĥaismo) = kiloherco.
krebsa ciklo KEMI procezo de molekula oksidado en mitokondrio. Sin. citratociklo.
nitrogena ciklo KEMI EKOL procezo natura, per kiu nitrogeno konvertiĝas en diversajn ĥemiajn kombinaĵojn.
oestra ciklo perioda modifiĝo de la ovario kaj de la utera kaj vagina mukozoj sub influo de ovariaj hormonoj.
plurcikla KEMI kombinaĵo konsistanta el pluraj karbocikloj.
programociklo KOMP sinsekvo de instrukcioj plurfoje trairata sinsekve dum la plenumado de komputila programo. ➞ iteracio.
recikli
1 ntr ree cikli; iri aŭ ŝanĝiĝi denove laŭ la sama ciklo.
recikligi
1 igi ion denove cikli, denove iri aŭ ŝanĝiĝi laŭ la sama ciklo.
2 EKOL ekstrakti substancojn aŭ elpreni partojn el forĵetitaj produktoj por reutiligo en produktoprocezoj: la plaston, samkiel la paperon kaj eĉ la revuon mem eblas recikligi Ko recikligita papero
3 reutiligi ion (por alia celo): hieraŭajn ĵurnalojn oni recikligis en la necesejo por ne aĉeti apartan kaj pli luksan paperon JGo nova metodo, per kiu eblos recikligi kaj plirapidigi malnovajn komputilojn JCM
suna ciklo ASTR la dekunujara periodo inter du maksimumoj de suna aktiveco.
tricikla KEMI prezentanta tri kunplektitajn aromatajn ringojn.
vivociklo BIOL BOTA sinsekvo de la fazoj (➞ unuploida, duploida) kaj de la generacioj (➞ gametofito, sporofito) de planto kaj pli ĝenerale de sekse reproduktiĝanta vivulo.