PIV 2026 · Artikolo 5541

★gvidi

Litero G★ Fundamenta

Derivaĵoj en la artikolo 12
  1. gvidi si/n
  2. gvida
  3. gvido
  4. gvidad/i
  5. gvidad/o
  6. gvidant/o
  7. gvidil/o
  8. gvidist/o
  9. misgvidi
  10. ond/ogvidil/o
  11. radi2/ogvidad/o
  12. radi2/ogvidil/o
★ gvidi tr
1 iu montri la ĝustan vojon al persono, kiun oni akompanas, por ke tiu atingu sian celon: gvidu min kaj konduku min MT gvidu min sur la vojo de eterneco MT kiam vi iros, ili gvidos vin MT gvidi sur montoj gvidi en muzeo ŝi prenis lin per la mano kaj gvidis tra la malluma ĉambro gvidi blindulon (figurasence) aliajn gvidas kaj mem ne vidas Z ➞ akompani, konduki, irigi.
2 io montri al iu aŭ io la linion ĝuste kondukantan al la celo; direkti la movon de iu aŭ io al la celo: la pafiltubo gvidas la okulon al la celpunkto la polusa stelo gvidis la iradon de la esploristoj kompaso gvidas la maristojn diversaj markoj gvidis ilin sur la ĝusta vojo ➞ gvidfolio, gvidmarko, gvidsigno; stiri.
3 (figurasence) iu aŭ io montri aŭ sciigi al iu la konduton kondukontan al la celo: gvidi la publikan opinion bona konscio konscienco vin gvidos MT gvidi sian armeon al la gloro, la popolon al la feliĉo liaj pasioj gvidis lin pastro gvidas la konsciencojn de siaj prizorgatoj la Esperantistoj ja sentis tiun idealon kaj estis konstante gvidataj de ĝi Z gvidata de instinkto Z ➞ mentori.
4 (figurasence) iu montri aŭ sciigi per siaj spertaj konsiloj, kiel eble plej bone funkciigi ion: gvidi la ellaboradon de projekto Z gvidi kurson ➞ estri, regi; direktoro.
gvidi sin
1 trovi la direkton: la maristoj sin gvidas per la kompaso sin gvidi per palpado en la mallumo ĉiu sin gvidas, kiel li vidas Z ➞ orienti sin.
2 esti gvidata: gvidi sin per naciaj gustoj gvidi sin je per simpatioj aŭ antipatioj Z gvidi sin per severaj principoj gvidi sin per kaprico Z gvidi sin per ekstera ŝajno Z la lingvo Esperanto ĝuste per tiu ĉi leĝo sin gvidis Z
gvida rilata al gvidado: gvida stelo Z prudentulo akiros gvidajn kapablojn MT gvida punkto gvida modelo gvida principo
gvido
1 io, kio gvidas: gvido de sidvalvo gvido de glitpeco
2 (figurasence) principo, kiu gvidas: ĉia aparta persono povus laŭ sia propra gvido labori Z riĉeco sen gvido kiel ĉevalo sen brido Z ➞ kanono 2, normo.
gvidadi daŭre gvidi: ili deziras, ke mi persone gvidadu la aferon Z
gvidado ago de iu, kiu gvidas aŭ de io, kio gvidas: ekskurso sub la gvidado de arbarinĝeniero preni sur sin la gvidadon de Esperanta kurso komisionoj kiuj troviĝos sub la gvidado de unu komitato centra Z
gvidanto iu, kiu gvidas: la gvidantoj de tiu popolo erarigas, kaj la gvidatoj pereos MT Esperanto povas havi aŭ ne havi siajn libere elektitajn gvidantojn Z (figurasence) lasu vian propran senton esti via gvidanto Z
gvidilo ĉio, kio servas por gvidi: plej bona gvidilo estas la lango ĉar ĝi servas por demandi Z ➞ celilaro, kondukilo, stirilo.
gvidisto homo, kiu profesie gvidas: gvidisto por montara surirado turista gvidistino ➞ ĉiĉerono, kondukisto.
misgvidi malĝuste gvidi iun aŭ ion; gvidi en erara direkto.
ondogvidilo FIZI TELE metala tubo por gvidi elektromagnetajn ondojn, precipe ultrakurtajn.
radi2ogvidado gvidado de ŝipoj aŭ aviadiloj helpe de radiosignaloj.
radi2ogvidilo teĥnika aranĝaĵo por ebligi alteriĝon de aviadiloj sen videbleco.