PIV 2026 · Artikolo 3248

disko

Litero D

Derivaĵoj en la artikolo 31
  1. diski
  2. diskeg/o
  3. diskej/o
  4. diskestr/o
  5. disket/o
  6. diskil/o
  7. disking/o
  8. blu/radi1/a disko
  9. celdisko
  10. ciferdisko
  11. ebonit/a disko
  12. el/centr/a disko
  13. fiks/it/a disko
  14. filtr/odisko
  15. flugdisko
  16. gramofon/a disko
  17. inter/vertebr/a disko
  18. kluĉdisko
  19. kompakt/a disko
  20. k1-disko
  21. komput/il/a disko
  22. laserdisko
  23. lumdisko
  24. optik/a disko
  25. lumdiskeg/o
  26. sferodisko
  27. subdisket/o
  28. sundisko
  29. surdiskig/i
  30. videodisko
  31. vinil/a disko
disko
1 maldika ronda plato: monero kutime estas metala disko
2 SPOR metala disko 1 uzata en la sporto diskoĵeto.
3 SPOR kaŭĉuka disko 1 uzata en la sporto glacihokeo.
4 disko 1, sur kiu estas registritaj (analoge aŭ ciferece) sonoj aŭ alispecaj datumoj, ekz. gramofona disko, kompakta disko, komputila disko: tekokomputilo kun cent-gigabitoka disko kopii ĝin dokumenton al almenaŭ unu plia komputila disko RRo kelkaj kanzonoj de la nova disko Ko en la faldfolio akompananta la diskon aperas prezento de la du artistoj FMa ➞ disklegilo.
5 aspekto simila al la rondo de disko 1: mi eble povos ekvidi la rondan fajran diskon de la suno sundisko Z la disko de la luno Z
6 MATE aro de ĉiuj punktoj en ebeno, kies distanco al fiksita punkto (la centro) malsuperas (aŭ ne superas) donitan nombron (la radiuson). ➞ cirklo.
diski tr fingre kunmeti numeron per ciferdisko. ➞ klavi.
diskego granda gramofona disko ludigata je la rapido 33 turniĝoj minute.
diskejo diskoteko.
diskestro diskoĵokeo.
disketo
1 malgranda disko.
2 malgranda gramofona disko ludigata je la rapido 45 turniĝoj minute.
3 KOMP HIST malgranda ŝanĝebla disko 4, ĝenerale uzata por teni malofte uzatajn datumojn aŭ transporti datumojn. ➞ datumportilo, poŝmemorilo.
diskilo KOMP HIST aparato por uzi disketon.Sin. diskaparato.
diskingo KOMP HIST fendo en diskaparato, en kiun oni metas disketon.
bluradi1a disko speco de lumdisko simila al lumdiskego, sed kun eĉ pli granda kapacito (25–128 gigabitokoj), legata per lasero kun blua lumo.
celdisko ronda tabulo kun samcentraj cirkloj, al kiu oni celas per pafilo, arko k.s.
ciferdisko diskoforma parto de aparato, gradigita ĝenerale per ciferoj, kiun oni turnas por kunmeti kodon.
ebonita disko HIST gramofona disko 4 el ebonito.
elcentra disko disko fiksita sur rado, sed ne samcentre, kaj tial funkciiganta levilon ĉe ĉiu rotacio de la rado.
fiksita disko komputila disko 4 muntita ene de komputilo.
filtrodisko ronda filtra papero.
flugdisko LUDO SPOR diskoforma ludilo, kutime plasta, kiun oni ĵetas kaj kaptas.
gramofona disko plasta disko 4, sur kiu sono estas analoge konservita en kanelo, ludigata per gramofono. ➞ vinila disko.
intervertebra disko ANAT ĉiu el la diskoformaj kartilagoj troviĝantaj inter la diversaj vertebroj. disci intervertebrales
kluĉdisko en kluĉilo rotacianta plato, kiu premiĝas al inercirado ĉe la fino de la krankoŝafto: mia aŭto bezonas riparon, ĉar la kluĉdiskoj glitas
kompakta disko, k1-disko speco de lumdisko, sur kiu estas konservita muziko (ĝis 80 minutoj) aŭ alispecaj ciferecaj datumoj (ĝis 650 megabitokoj). mallongigo: CD, ofte esperantigite kiel KD
komputila disko disko 4 de komputilo.
laserdisko HIST disko 4 legata per lasero, uzata ĉefe por reprodukti filmojn inter 1987 kaj 2001.
lumdisko, optika disko disko kun ciferece konservitaj datumoj legeblaj per lasero, ekz. kompakta disko, lumdiskego aŭ bluradia disko.
lumdiskego disko simila al kompakta disko, sed kun pli granda kapacito (4,7–17,08 gigabitokoj), uzata precipe por konservi filmojn. simbolo: DVD
sferodisko MATE kaloto.
subdisketo metala aŭ kaŭĉuka disko 1, kiun oni metas sub la kapon de ŝraŭbo aŭ bolto.
sundisko ronda formo de la suno kiel vidata de la tero: duono de la sundisko vidiĝas el trans la montaĵoj LiZ la blindiga luminundo de la sundisko SSz
surdiskigi registri sonojn kaj/aŭ bildojn sur diskon. ➞ surbendigi.
videodisko optika disko 4 kun bildoj kaj ordinare ankaŭ sono.
vinila disko gramofona disko el vinilo aŭ vinilsimila plasto.