PIV 2026 · Artikolo 3733

1elektro

Litero E

Derivaĵoj en la artikolo 16
  1. elektra
  2. elektre
  3. elektri
  4. elektrec/o
  5. elektrej/o
  6. elektrig/i
  7. elektrism/o
  8. elektrist/o
  9. elektriz/i
  10. feroelektra
  11. frotelektro
  12. induktoelektro
  13. lumelektra
  14. prem1elektro
  15. radi2/oelektro
  16. ventelektrej/o
1 elektro
1 FIZI aro de fizikaj fenomenoj kaŭzataj de la ĉeesto kaj/aŭ de la moviĝo de ŝargo 2. ➞ kulombo 1, elektrolizi, elektromezurilo, elektroskopo.
2 KOMU elektra energio.
3 KOMU elektra kurento.
➞ piezoelektro, termoelektro.
elektra
1 rilata al elektro vastasence: elektraj unuoj ➞ ampero 1, farado 1, ĵulo 1, kulombo 1, vato 1, volto elektra fajrero sparko elektra fluo kurento elektraj fenomenoj elektra centralo
2 funkcianta per elektro 3: elektra maŝino, gladilo, forno elektra fervojo elektra seĝo por elektroekzekuti (analoge) elektraj fiŝoj ➞ torpedo
elektre per la elektro: horloĝo elektre funkcianta
elektri tr
1 MEDI trakti aŭ kuraci iun aŭ ion per elektro.
2 (figurasence) forte eksciti aŭ entuziasmigi iun aŭ ion: la belarta instituto elektris lin kaj li kategorie decidis studi en belarta lernejo EPĈ
elektreco stato de elektra korpo.
elektrejo ejo, kie oni produktas elektran energion por lumigado, tramvojoj, industriaj bezonoj ktp. ➞ centralo.
elektrigi
1 estigi sur korpo elektrajn ŝargojn; fari, ke korpo kapabliĝu produkti elektrajn fenomenojn: elektrigi sukcenon per frotado
2 meti ion sub la influon de elektro: elektrigi dielektrikon
3 provizi per elektro; funkciigi per elektro: elektrigi vilaĝon elektrigi fervojon elektrigi kamparon elektrigi barilon
elektrismo tuto de la elektraj fenomenoj.
elektristo specialisto pri la elektroscienco aŭ elektroteĥniko.
elektrizi tr = (prefere) elektrigi 3.
feroelektraFIZI substanco havanta aŭ povanta akiri spontanean dielektrikan polariziĝon, kies direkto estas ŝanĝebla per apliko de ekstera elektra kampo.
frotelektro elektro produktita per frotado.
induktoelektroFIZI influencita elektro. ➞ influenco, influki.
lumelektra rilata al la elektraj efikoj de elektromagneta radiado, speciale al emisio de elektrono el materia surfaco pro trafo de fotono. ➞ lumelektra efiko.
prem1elektro FIZI piezoelektro.
radi2oelektro parto de elektroscienco, kiu koncernas la uzadon de elektromagnetaj ondoj.
ventelektrejo ventoturbino: en Aŭstrio estas 86 grandaj ventelektrejoj, kiuj liveras elektron al la landa elektroreto EGv