PIV 2026 · Artikolo 11117

★nukso

Litero N★ Fundamenta

Derivaĵoj en la artikolo 10
  1. akaĵuonukso
  2. arekonukso
  3. bov/idonukso
  4. brazil/a nukso
  5. ebur/a nukso
  6. fagonukso
  7. kokosonukso
  8. kola1onukso
  9. teronukso
  10. vomonukso
★ nukso
1 BOTA frukto (akeno 1 aŭ guŝo), parto de frukto (de drupo) aŭ semo, havanta sekan ofte malmolan ŝelon kaj manĝeblan kernon, ekz. avelo, kaŝtano, juglando, brazila nukso aŭ ternukso: Dio donas al ni la nuksojn, sed li ne disrompas ilin por ni ni devas mem agi por profiti la okazojn, kiuj prezentiĝas Z ➞ nuksrompilo, nuksrompulo.
2 (evitinde) = akeno ① 2.
3 KUIR ĉe bovo, bovido k.s. karnoriĉa muskola bloko ĉe la interna supra parto de la femuro. ➞ klabo 2, nuksoŝinko.
akaĵuonukso vera frukto de akaĵuarbo; malmolŝela drupo, kiu enhavas semon manĝatan kruda aŭ rostita.
arekonukso frukto de kateĉupalmo.
bovidonukso KUIR nukso 3 de bovido: stufita lardita bovidnukso
brazila nukso triflanka malglata semo kun malmola ŝelo, enhavanta tre oleoriĉan kernon kaj produktata plurope en la globforma frukto de bertoletio.
ebura nukso frukto de ebura palmo, kun blanka koloro kaj fajna teksturo, uzata por fari vegetaĵan eburon.
fagonukso frukto de fago. Sin. fagfrukto.
kokosonukso kokoso 1.
kola1onukso semo de kolao ① 1.
teronukso BOTA
1 speco de arakido kultivata por subteraj guŝoj, kiuj enhavas po 1–3 tre nutrajn semojn (manĝatajn plej ofte rostitaj kaj salitaj), kaj el kiuj oni ekstraktas oleon uzatan por fabriki margarinon kaj sapon. specio Arachis hypogaea Sin. ternuksa arakido.
2 KOMU guŝo de ternukso 1.
vomonukso BOTA semo de vomarbo. ➞ brucino, striknino.