PIV 2026 · Artikolo 13030

★pulvoro

Litero P★ Fundamenta

Derivaĵoj en la artikolo 15
  1. pulvora
  2. pulvorec/o
  3. pulvorig/i
  4. pulvorig/il/o
  5. bakpulvoro
  6. bon/gust/ig/a pulvoro
  7. gist/opulvoro
  8. kafpulvoro
  9. kaka1/opulvoro
  10. kvin/spic/a pulvoro
  11. lavpulvoro
  12. polurpulvoro
  13. sukerpulvoro
  14. ŝtonpulvoro
  15. vitr/opulvoro
★ pulvoro
1 solida substanco dispecigita en tre malgrandajn kaj delikatajn erojn: pulvoro de antipirino pulvoro de oro pulvoro de arĝento pulvoro de pipro kreta pulvoro por purigi la dentojn B
2 likvo diserigita en tre malgrandajn gutetojn. ➞ aerosolo, nebulo.
pulvora rilata al aŭ estanta pulvoro.
pulvoreco stato de substanco pulvorigita: li disfrakasis ĝin ĝis pulvoreco MT
pulvorigi
1 dispisti ion en pulvoron: pulvorigi sukeron B (figurasence) misteroj, kiuj konsternas eĉ saĝulojn kaj pulvorigas la animon de la popolaĉo B
2 disŝprucigi likvon kiel pulvoron: pulvorigi parfumon
pulvorigilo ilo por pulvorigi substancon sekan aŭ likvan.
bakpulvoro KUIR pulvora miksaĵo el ĥemiaĵoj, kiu varmigite estigas gasojn, kaj kiun oni uzas anstataŭ gisto en iaj kuketoj. Sin. ĥemigisto. ➞ baksodo.
bongustiga pulvoro KUIR mononatria glutamato.
gistopulvoro gistaĵo.
kafpulvoro pulvorigita kafo 2.
kaka1opulvoro pulvoro el kakaofaboj fermentigitaj, rostitaj, senŝeligitaj kaj grandparte senbuterigitaj. ➞ ĉokolado.
kvinspica pulvoro KUIR ĉindevena spicaĵo konsistanta el pipro, kariofiloj, cinamo, fenkolo, stelanizo kaj sekigitaj ŝeloj de mandarinoj.
lavpulvoro lesivo 2.
polurpulvoro skrapa pulvoro (ekz. el pumiko aŭ smirgo) uzata por poluri per frotado.
sukerpulvoro pulvorigita sukero: papero por envolvado de butero kaj sukerpulvoro Z
ŝtonpulvoro pulvorigita(j) ŝtono\(j).
vitropulvoro pulvorigita vitro.