PIV 2026 · Artikolo 8313

★konservi

Litero K★ Fundamenta

Derivaĵoj en la artikolo 16
  1. konservo
  2. konservad/o
  3. konservaĵ/o
  4. konservej/o
  5. konservem/a
  6. konserviĝ/i
  7. konserviĝ/o
  8. konservist/o
  9. konservuj/o
  10. best/okonservej/o
  11. frukt/okonservuj/o
  12. graskonservi
  13. kolorkonserva
  14. medikonservad/o
  15. memkonservo
  16. plant/okonservej/o
★ konservi tr
1 zorgi, ke io ne difektiĝu aŭ ne perdiĝu; malebligi al io perei: la plej malproksima antikveco, pri kiu nenia historio konservis al ni eĉ la plej malgrandan dokumenton Z ĉiuj nepovantaj konservi sian animon viva MT konservu bone la sekreton ! Z konservi la varmon konservi librojn konservi arĥivojn konservi deponaĵon okulvitroj, kiuj konservas la vidkapablon ni penas konservi la vestojn, kiom ni nur povas Z morgaŭ nia knabeto finus kvin jarojn, se ni povus lin konservi Z la cikonia patro prenis la cignajn vestojn, kiuj dum jaroj estis tie konservataj Z
1 Konservi estas ŝirmi kontraŭ la naturaj detrufortoj (morto, ruino, forgeso), gardi estas ŝirmi kontraŭ ĉiuspecaj danĝeroj.
➞ restigi, teni.
2 ne perdi ion; plu posedi ion; ankoraŭ havi ion: kiu kaptas tro vaste, konservas malmulte Z konservi la pacon konservi la ordon konservi sian rangon konservi sian tutan forton konservi sian potencon konservi sian valoron konservi sian junecon konservi sian belecon konservi siajn dentojn ŝi ja ne sciis, ĉu ŝi konservos la vivon aŭ ĉu ŝi mortos Z la tero, ŝajne, ankoraŭ konservis postesignojn de la matenruĝo B konservi sian opinion konservi sian konvinkon konservi agrablan memoron pri io konservi amikajn rilatojn kun iu konservi tradician moron konservi sian seriozecon la konferenco konservis ĉiam pure teknikan karakteron konservi al iu fidelecon MT konservi al iu sian favoron finiĝo finaĵo aŭ prefikso aŭ sufikso estas tute memstara vorto, kiu ĉiam konservas egalan signifon Z ĉu Vi koleros eterne kaj konservos la koleron por ĉiam? MT konservi ion en la mano konservi ion sur la korpo konservi ion en la kapo konservi ion en la memoro ➞ gardi, teni.
3 KOMP skribi 7 datumojn en dosieron: eblas konservi la finan rezulton en multaj dosieroformoj RRo
4 KUIR per speciala preparado gardi manĝaĵojn kontraŭ putrado, ŝimo aŭ alia difektiĝo: konservi porkaĵon en salujo konservi ŝinkon per fumumo konservi lakton per pasteŭrado konservi fruktojn en provizejo B ➞ kandi, konfiti, marini, pekli, lado.
konservo, konservado ago konservi: tiu libro, por kies konservo la hebreoj tiom multe jam suferis Z ĉu vi povas garantii al mi la konservon de la memoro? Z la konservado de historiaj monumentoj libro pri la konservado de la nutraĵoj
konservaĵo io, kion oni konservas: ova konservaĵo frukta konservaĵo fari konservaĵojn el fiŝoj
konservejo
1 loko, kie oni konservas diversajn aferojn: la provizejo aŭ konservejo de la manĝaĵo Z konservejo por varoj li metis la abismojn akvarojn en konservejojn MT
2 EKOL loko, kie oni konservas ekster ilia natura medio vivajn speciojn rarajn aŭ minacatajn. ➞ bestokonservejo, plantokonservejo; bestoĝardeno, naturparko, rezervejo.
konservema
1 ema konservi aferojn: ĉar la spaco ne mankas, oni facile estas konservema HVa
2 POLI konservativa: eŭropaj lingvoj, tradicie konservemaj kaj fieraj pri la etimologio RPi
3 ne troigema: laŭ la plej konservema takso, nun estas plantataj 230 milionoj da muoj 2 da ordinara hibrida rizo MuB
konserviĝi iĝi konservata; resti en konservo: la gloron de siaj patroj, kiu konserviĝis senmakula, li Z el la fabeloj, kiuj konserviĝis ĉe la cikonioj Z substanco, kiu facile konserviĝas
konserviĝo ago konserviĝi: FIZI la leĝo pri la konserviĝo de materio
konservisto iu, kies profesio estas konservi gravajn aferojn (librojn, arĥivojn k.c.) ➞ kuratoro 2.
konservujo skatolo, kesto, vazo k.s., en kiu oni konservas aĵojn. ➞ konfitujo, rezervujo, tenujo.
bestokonservejo loko, kie oni prizorgas kaj protektas bestojn.
fruktokonservujo konservujo por fruktoj. ➞ konfitujo.
graskonservi KUIR konservi viandon en dika tavolo el graso: graskonservitaj maĉostomakoj ➞ pemikano.
kolorkonserva lumrezista.
medikonservado EKOL konservado de la natura medio.
memkonservo defendo de la propra vivo kontraŭ ĉiaj danĝeroj: sub instigo de la instinkto de memkonservo ŝi kuris for Z
plantokonservejo konstruaĵo kun plafono kaj muroj el vitro, kie oni prizorgas, studas kaj protektas plantojn. ➞ forcejo, botanika ĝardeno.