PIV 2026 · Artikolo 9221
★legomo
Derivaĵoj en la artikolo 9
★ legomo AGRI ĉiu manĝebla ĝardena herbo, escepte de sukaj fruktoj kaj spicaj herboj. ➞ legomvendisto.
legomejo kultivejo de legomoj. ➞ legomĝardeno.
legomujo plado, en kiu oni surtabligas legomojn.
florlegomo legomo, brasikaco, kies infloresko formas manĝeblan, kompaktan kapon, ofte blankan aŭ verdan, ekz. florbrasiko, brokolo, artiŝoko.
folilegomo plantaj folioj manĝeblaj kiel legomoj, foje akompanate de delikataj petioloj kaj burĝonoj, ekz. laktuko, plej multaj brasikoj, spinaco.
fruktolegomo herbo kies frukto estas sfera aŭ oblonga, iuj kun iom malmola ŝelo kiam matura; iuj specoj manĝeblas krudaj, aliaj nur kuiritaj; de iuj la semoj estas manĝeblaj, aŭ eĉ la folioj kaj floroj, ekz. kukurbo, melono, tomato.
radiklegomo legomo kun karna, manĝebla, subtera radiko aŭ tubero(j), ekz. batato, karoto, pastinako, terpomo.
semlegomo florplanto, fabaco, kiu produktas semojn en guŝoj, ekz. pizo 1, fabo, fazeolo, kikero, sojfabo.
ŝoslegomo planto kies ŝosoj estas manĝeblaj en tre juna stadio; oni kreskigas ŝosojn en specialaj ujoj kun akvo, ekz. fazeolo, sojfabo.
tiglegomo legomo, ĉe kio oni uzas la tigojn aŭ ŝosojn de la planto, ekz. asparago, celerio, medolbrasiko.