PIV 2026 · Artikolo 8199

★komuniki

Litero K★ Fundamenta

Derivaĵoj en la artikolo 30
  1. komunika
  2. komuniko
  3. gazet/ar/a komuniko
  4. komunikad/o
  5. komunikaĵ/o
  6. komunikebl/a
  7. komunikej/o
  8. komunikem/a
  9. komunikiĝ/i
  10. komunikiĝ/o
  11. komunikil/o
  12. soci/a komunikil/o
  13. amaskomunikil/o
  14. ekkomunikiĝ/i
  15. interkomunika
  16. interkomuniki
  17. interkomunikig/i
  18. interkomunikiĝ/a
  19. interkomunikiĝ/i
  20. multkomunikil/a
  21. plurkomunikil/a
  22. radi2/okomunikad/o
  23. senkomunikiĝ/a
  24. telekomunika
  25. telekomuniki
  26. telekomuniko
  27. telekomunikad/o
  28. telekomunikej/o
  29. telekomunikiĝ/o
  30. telekomunikil/o
★ komuniki
1 tr iu fari informojn, ideojn k.s. komuna inter si kaj alia homo, konigante tion al tiu; konigi aŭ sciigi: mi invitis vin al mi, por komuniki al vi tre malagrablan novaĵon Z mi provis komuniki al vi mian decidon, sed vi neniam volis min aŭskulti Z tio estas sekreto, kiun amiko mia komunikis al mi HLu Bertil komunikis al li, ke oni akceptos lin SEn mi volis nur komuniki al vi, ke ni ŝanĝos la pensionon kiel eble plej baldaŭ HBu mi pensis tamen, ke estas mia devo komuniki al vi ĉi tion LiZ en majo 1954 la prezidanto komunikis la aprobitajn tekstojn al la Komitato ILa
2 ntr komunikiĝi 2: la italoj komunikis (aŭ provis komuniki!) parolante siajn proprajn dialektojn BKe 150 esperantistoj el 10 landoj uzis dum unu semajno la neŭtralan lingvon por komuniki en bonega etoso OE ili ne sciis, kiel komuniki sendanĝere kun la israelaj servoj diplomata aŭ sekreta CPi la grave malsana unua direktoro sen ebloj komuniki kun sia familio aŭ elekti advokaton, provis mortigi sin HAF deziro komuniki internacie OE
1 Tradicie oni uzis komunikiĝi 2 por tiu ideo, sed nuntempe multaj preferas la simplan komuniki 2.
3 tr io transdoni, transigi aŭ transmisii:la piŝto komunikas sian movon al la rado la brulrestaĵoj komunikis la fajron al la planko la infektitaj vestoj komunikis la malsanon al la mizerulo ili komunikis al ni sian gajecon ➞ infekti, inokuli, transmisii.
komunika rilata al komunikado: komunika vojo komunika linio
komuniko ago komuniki kaj ties rezulto: komuniko de iu al iu pri io komuniko de sciigo komuniko de movo interrompi telefonan komunikon tranĉi telefonan komunikon
gazetara komuniko oficiala informo sendita al la gazetaro por publikigo: Gazetaraj Komunikoj de UEA AGr
komunikado ago de persono aŭ aĵo, kiu komunikadas.
komunikaĵo io komunikita: ricevi komunikaĵon pri io transdoni komunikaĵon pri io publikigi komunikaĵon pri io
komunikebla tia, ke oni povas ĝin komuniki: komunikebla timo komunikebla malsano
komunikejo trairejo, per kiu komunikiĝas du lokoj.
komunikema inklina al komunikado.
komunikiĝi
1 io iĝi komunikata: tiu sciigo rapide komunikiĝis
2 iu komuniki 1 informojn, ideojn k.s. kun aliaj aŭ unu kun la alia: komunikiĝi inter si Z komunikiĝi kun malĉastulinoj MT komunikiĝi kun eksterlandaj amikoj Z doni al ili la eblon libere komunikiĝi sur neŭtrala fundamento Z en Egiptujo mi cikonio komunikiĝadis kun la homoj tute familiare Z homoj povus komunikiĝadi inter si pace Z la advokato povu ĉiam komunikiĝadi kun la akuzito Sin. komuniki 2.
3 interrilati per senbara trairejo: malgrandaj ĉambretoj kaj pasoj pasejoj, kiuj komunikiĝas inter si Z
➞ interkomuniki.
komunikiĝo interrilato: esti en komunikiĝo kun io Z mi povu ĝin uzi en komunikiĝoj kun tiuj personoj, por kiuj mia propra lingvo estas fremda Z organizi komunikiĝon inter la armeo kaj la sieĝita urbo la fortiĝintaj komunikiĝoj inter la homoj Z la spirita komunikiĝo inter la nacioj Z inter Nov-Jorko kaj Germanujo estas komercaj komunikiĝoj Z ministro pri komunikiĝoj ➞ trafiko.
komunikilo rimedo por komuniki aŭ komunikiĝi: nia praulo uzis la manon kiel la plej naturan komunikilon ILa mi opinias, ke la telefono, radio, reto kaj kino estas pli efikaj komunikiloj ol la gazetaro ju pli multnombraj estis la fontoj, des pli riĉaj estis kaj estas la lingvoj, des pli taŭgaj komunikiloj kaj pensoinstrumentoj ili fariĝas ILa mono estas pli bona komunikilo ol lingvo OE ➞ arterio, ponto 1, vojo; socia komunikilo.
socia komunikilo KOMP retejo aŭ aplikaĵo, per kiu uzantoj povas komunikiĝi inter si kaj diskonigi informojn, ideojn, opiniojn k.s.: plej malsaniga montriĝas la nokta uzo de sociaj komunikiloj IDu
amaskomunikilo ilo por disvastigi informojn en grupo, popolo aŭ mondo: interreto, radiodissendo, televido, gazetaro, libroeldono, reklamado ktp. Sin. mediato. ➞ socia komunikilo.
ekkomunikiĝi estigi komunikon kun: vi devos unue ekkomunikiĝi kun nia agento
interkomunika
1 du objektoj interkomunikiĝantaj: interkomunikaj ujoj
2 ebliganta interkomunikiĝon: interkomunika tubo
interkomunikintr esti en reciproka komunikado: ni interkomunikas kun Nov-Jorko ➞ komunikiĝi, komuniki 2.
interkomunikigi igi personojn aŭ objektojn komunikiĝi: interkomunikigi tri personojn interkomunikigi du ĉambrojn interkomunikigi riveron kun lago ➞ konekti, kontaktigi.
interkomunikiĝa rilata al reciproka komunikiĝo: interkomunikiĝa skriba lingvo Z
interkomunikiĝi esti en stato de reciproka komunikiĝo: la grupoj kaj societoj devas interkomunikiĝi, por aranĝi entreprenojn komunajn Z tiuj du kvartaloj interkomunikiĝas nur per la ponto
multkomunikila plurkomunikila: en la nova multkomunikila medio teksto nur ĝenus PeS
plurkomunikila uzanta kaj kombinanta diversajn komunikajn rimedojn, ekz. tekston, sonregistraĵojn kaj videaĵojn: krei proprajn plurkomunikilajn Esperanto-lecionojn SDe Sin. multkomunikila.
radi2okomunikado speco de telekomunika servo efektivigata senfadene per radio ② 1.
senkomunikiĝa tute izolita: lando senkomunikiĝa MT
telekomunika rilata al telekomunikado: telekomunika inĝeniero telekomunika reto telekomunika satelito telekomunika scienco telekomunika servo telekomunika sistemo telekomunika tekniko telekomunika turo telekomunikaj aferoj Internacia Telekomunika Unio Mo!
telekomuniki sendi 6.
telekomuniko telekomunikita mesaĝo.
telekomunikado TELE sendo de informoj per telegrafiaj, telefoniaj, radiotelefoniaj aŭ televidaj signaloj.
telekomunikejo telekomunika oficejo.
telekomunikiĝo komunikiĝo plenumata per telekomunikilo.
telekomunikilo telekomunika rimedo.