PIV 2026 · Artikolo 9792
★mal
★ mal prefikso ideo logike kontraŭa al tio, kion montras la radiko. ➞ mallonga, malplena, malutila; maldekstre, malsupre, malakcepti, malhavi, malkovri, malŝlosi; malamiko, malhomo, mallumo; malantaŭ, malpli; dis-, ne, sen 1.
mala logike rekte kontraŭa: tia penado estus ne sole ridinda kaj tute sensukcesa, sed ĝi donus rezulton rekte malan Z antitezo estas figuro, per kiu oni kontraŭmetas du malajn ideojn ILa
male logike kontraŭe: malfeliĉe tiu ĉi mono faris al li nenian bonon; male li nur ebriiĝis pli ofte kaj pasigis pli multe da tempo for de la hejmo HLu mi ne kulpigas vin, tute male CRo
malo kontraŭo: kian rezultaton tio ĉi donos? Rekte la malon de tio, kion Vi deziris!! Z mensogulo kaj trompulo, kiu agas kontraŭe, faras la malon de tio, pri kio li parolas ILa ➞ mal-vorto.