PIV 2026 · Artikolo 14764
★stelo
Derivaĵoj en la artikolo 22
★ stelo
1 ASTR memlumanta astro, kiu (escepte de la suno) pro malproksimegeco nudokule aperas kiel hela punkto sen mezurebla diametro: mi multigos vian idaron simile al la steloj de la ĉielo MT nokte li observadis la stelojn Z la norda, polusa stelo fajretanta stelo Z scintilanta stelo duopaj steloj rivoluantaj unu ĉirkaŭ la alia steloj nanaj steloj gigantaj
(figurasence) ŝiaj okuloj estis du steloj havi stelojn antaŭ la okuloj pro froto aŭ bato al la okulglobo
➞ cefeido, novao, galaksio.2 RELI astro rigardata kiel influanta la sorton de homo: ni vidis lian stelon en la oriento NT pri tio ĉiuj saĝuloj demandis, serĉis en lumantaj bildoj de la steloj konstelacioj Z naskita sub favora, malfavora stelo vi povas danki vian stelon, ke vi saviĝis tio estis skribita en la steloj ➞ zodiako.
3 MATE plurlatero kun para nombro de lateroj, kies ĉiu dua angulo estas malelstara: kvinpinta stelo sespinta stelo stelo enskribita en cirklo
4 BELA prezentaĵo kun formo de stelo 3, per kiu antikva arta tradicio simbolas astron: sur la pinto de la kristnaska abio, brilis stelo el orsimila papero Z blua plafono kun oraj steloj la flama stelo de la framasonoj
5 KOMU insigno kun proksimume formo de stelo 3: ordena stelo la steloj de generalo en franca armeo la ruĝa stelo de la sovetia armeo la verda stelo de la esperantistoj la flava stelo kiun la nazioj devigis la judojn porti sur la vesto (analoge) griza ĉevalo kun blanka stelo sur la frunto ➞ kruco.
6 ARKI placo, de kiu disiras pli ol kvar stratoj.
8 EKON HIST ESPO
a fiktiva monunuo kreita en 1942 kaj uzata inter esperantistoj dum kelkaj jardekoj; la origina valoro estis 0,25 nederlanda guldeno. ➞ speso.
b fiktiva monunuo kreita en 2012 kaj uzata dum kelkaj jaroj en Esperantaj rekontiĝoj, precipe junulaj.
c fiktiva monunuo uzata en la rakonto de la Esperanto-kurso «Pasporto al la tuta mondo».
stela
2 havanta la formon de stelo 4 aŭ stelo 5: stela fendiĝo de vitro ANAT stela ganglio grava ganglio de la simpata trunko ĉe la limo inter kolo kaj torako
3 MATE geometria figuro kaj punkto entenanta la tutan strekon inter la punkto kaj ajna punkto de la figuro.
stelaro
1 tuto de la videblaj steloj: ĉiunokte mi ja rigardadis tiun etan stelon tra la stelaro RPi/SMo
stelulo, stelulino tre fama aktor(in)o, muzikist(in)o, artist(in)o k.s. Sin. stelo 7.
ĉefstelo ASTR la plej hela stelo en konstelacio.
falstelo hela meteoroido, kiu ŝajnas kvazaŭ defalanta stelo: falstelo kiel brilanta linio traflugis la ĉielon Z subite falis tri aŭ kvar belegaj falsteloj Z ➞ aerolito.
interstela ASTR situanta aŭ okazanta inter la steloj: interstela vojaĝkapablo Ko
kvazaŭstelo ASTR kvazaro.
marstelo KOMU stelforma besto, kiu vivas en maro. ➞ asterioido, ofiuroido.
matenstelo KOMU la planedo Venuso ② 4, kiam ĝi la lasta brilas ĉe sunleviĝo.
neŭtrona stelo ASTR treege densa kolapsinta kerno de stelo, estiĝanta post eksplodo de supernovao kaj konsistanta ĉefe el neŭtronoj.
orstelo malalta plurjara herbo, kun malgranda tunika bulbo, kun malmultaj mallarĝaj folioj kaj kun stelformaj floroj (interne flavaj, ekstere verdetaj) unuopaj aŭ en korimbo; el la mezvarmaj partoj de Eŭropo, Azio kaj norda Afriko. genro Gagea Sin. gageo.
ordenstelo ordeno 4 en formo de stelo.
polusa stelo ASTR stelo en la Malgranda Ursino, nun ĉ. 1° distanca de la norda ĉiela poluso. α Ursae Minoris
pulsa stelo, pulsanta stelo pulsostelo.
pulsostelo ASTR rapide rotacianta neŭtrona stelo, kiu tre regule pulsas je tre malgranda periodo (de kelkaj milonoj de sekundo ĝis kelkaj sekundoj) per radioelektraj aŭ lumaj radioj, aŭ X-radioj aŭ gama-radioj. Sin. pulsa stelo, pulsanta stelo. ➞ varia stelo.
varia stelo stelo, kies brilo varias, ofte regule. ➞ cefeido, pulsostelo.
vesperstelo KOMU la planedo Venuso ② 4, kiam ĝi la unua brilas ĉe sunsubiro: kiam la vesperstelo orbrile speguliĝas en la blua rivero Z