★stel/o

1 🔭 Memlumanta astro, kiu, escepte de Suno, pro malproksimegeco nudokule aperas kiel hela punkto sen mezurebla diametro: mi multigos vian idaron simile al la steloj de la ĉielo ^X; nokte li observadis la stelojn ^Z; la norda, polusa stelo; fajretanta ^Z, scintilanta stelo; duopaj steloj (rivoluantaj unu ĉirkaŭ la alia); steloj nanaj, gigantaj; interstela materio; (f) ŝiaj okuloj estis du steloj; havi stelojn antaŭ la okuloj (pro froto aŭ bato al la okulglobo). ☞ cefeido, novao, galaksio.

2 Θ Astro, rigardata kiel influanta la sorton de homo: ni vidis lian stelon en la oriento ^N; pri tio ĉiuj (saĝuloj) demandis, serĉis en lumantaj bildoj de la steloj ^Z (konstelacioj); naskita sub favora, malfavora stelo; vi povas danki vian stelon, ke vi saviĝis; tio estis skribita en la steloj. ☞ zodiako.

3 ∆ Plurlatero kun para nombro de lateroj, kies ĉiu dua angulo estas malelstara: kvinpinta, sespinta stelo; stelo enskribita en cirklo.

4 ☆ Tiaforma prezentaĵo, per kiu antikva artotradicio simbolas astron: sur la pinto (de la Kristnaska abio) brilis stelo el orsimila papero ^Z; blua plafono kun oraj steloj; la flama stelo (de la framasonoj).

5 👥 Insigno kun proks. tia formo: ordena stelo; la steloj de generalo (en franca armeo); la ruĝa stelo (de la Sovetia armeo); la verda stelo (de la esperantistoj); la flava stelo (kiun la nazioj devigis la judojn porti sur la vesto); (analoge) griza ĉevalo kun blanka stelo sur la frunto. ☞ kruco.

6 🏠 Placo, de kiu disiras pli ol kvar stratoj.

7 La ĉefa aktor(in)o en baleto, trupo, filmo ks: kinostelo (tre fama aktor(in)o).

8 Fiktiva monunuo pasintece uzata inter E-istoj (0,075 usona dolaro aŭ 0,25 nederlanda guldeno). ☞ speso.