PIV 2026 · Artikolo 9185
★lavi
Derivaĵoj en la artikolo 21
★ lavi tr
1 purigi per akvo aŭ alia likvo: lavi al si la vizaĝon lavi la manojn ŝi sin lavis en la fonto Z la filino de Faraono malsupreniris, por lavi sin en la Rivero MT mano manon lavas Z sapo blankecon ne havas, tamen blanke ĝi lavas Z lavi la glasojn lavi la telerojn tolaĵon malpuran lavu en la domo ➞ balai Z (figurasence: pri io) mi lavas al mi la manojn tio min ne koncernas Z ➞ bani, gargari, lesivi; lavakvo, lavbatilo, lavbenko, lavbutiko, lavpelvo, lavpulvoro, lavŝtono, lavtablo, lavtabulo, lavtuko.
2 formeti per fluaĵo la neutiligeblaĵojn el erco, brulmaterialo k.s.: lavi oron lavi koakson
3 akvaro tuŝi per sia akvo: la ondoj lavas la rokojn bordo lavata de la Balta Maro
lavo, lavado
1 ago lavi: la butiko ne faras la lavadon de koloraj tolaĵoj (figurasence) fari al iu bonan lavon severan riproĉon ➞ tani Z
2 MEDI irigacio de vundo aŭ organo por liberigi ĝin de toksaĵoj, puso ktp: lavado de vundo stomaka lavo
lavejo loko ĉe rivero k.s., aranĝita por faciligi la lavadon de tolaĵoj.
laviĝi iĝi lavita: generacio, kiu ne laviĝis de siaj malpuraĵoj MT ➞ puriĝi.
lavisto, lavistino persono, kies metio estas lavadi (kaj ankaŭ ordinare gladi) tolaĵojn: la lavistino alportis mian tolaĵon Z ĉina lavisto
lavumi = (prefere) tuĉi.
ellavi eligi ion lavante: ŝi ne povas ellavi la oleomakulojn el miaj ŝtrumpoj FSz
ellaviĝi iĝi ellavita: li ploris tiel forte, ke la grajneto ellaviĝis el lia okulo Z
forlavi forigi ion lavante: ŝiajn plej turmentajn dolorojn forlavis la flustrantaj ondoj Z
frotlavi lavi kun frotado: la feran poton oni frotlavis Z frotlavi plankon
gaslavilo KEMI aparato konsistanta el botelo kaj du tuboj, uzata por tralikve purigi gasfluon je nedezirata konsistaĵo.
orlavisto iu, kiu serĉas orerojn, tralavante sablon de rivero.
skulavi lavi per skuado de la likvo: skulavi botelon
ŝtonlavujo = (prefere) lavoŝtono.
telerlavilo vazlavilo.
tralavi lavi ion pasigante grandan fluon da akvo (aŭ alia likvo) tra aŭ sur ĝi: tralavi la gorĝon Z akvo tralavis la ferdekon ALö ➞ gargari; elui, eluvii, perkoli.
vaz1lavejo ĉe la kuirejo de granda domo, restoracio k.s. ĉambro, kie oni lavadas la manĝilojn kaj kuirilojn.
vaz1lavisto iu, kiu metie lavadas la vazojn kaj aliajn manĝilojn en restoracio.